P, I all fuh freedom of speech eh..even when de people talking bout promoting killing anudder human being fuh being black, jewish, gay, too tall, too short, too fat, too skinny.
I like for people tuh be able to express dey selves because when dey do, and dey express dem kinda thoughts and actions, I know dem is people tuh stay way from.
Now on de udder hand, yuh have children and inexperienced people who might be exposed tuh dem kinda lawless way ah thinking an we both know dat when yuh young, yuh feel yuh know everything but yuh don't and dat adults and parents dey tuh help guide de young and protect dem from negative and anti-human forces.
So I say, let de authorities keep ah watchful eye an reign een racists, bigotry and what not but at de same time, we who is parents hopefully watching we own young and doing de same.
when I hear (and read) some ah de extreme and violent thoughts are some people, ah does really have tuh wonder bout why dey from, how dey get raise up, IF dey get raise up and at de end ah de day, ah does jes feel sorry fuh dem because it mus be real painful tuh be carrying rong dat kinda hate and feeling proud ah it to.