All yuh we get 2nd round pick in de NBA draft fuh next month, help on de way fuh meh boi Wade. I've been trying to figure out what players will rally compliment de core of de Heat team, and each day it is a big headache, cuz Beasley and Rose, dey both look like future stars of de NBA. Ah know we need a point guard like Rose, but den how yuh go leave out Beasley, dat boi is real real poison. Pull up meh profile ah rate dem 2 long before dee media started tuh hype dem up, From de time we start tuh get some none stop cut azz
, ah head straight tuh de college games and started tuh take notes, cuz ah realised dat is exactly where we will end up (high draft pick).
Riley is very unpredictable, yuh cud only guess and hope yuh know his next move. Wid all de hype over these players, it wouldn't surprise me if Riley trade one ah dem bois, fuh ah already establised franchise type player. Ah couple names dat came quickly to my head, dat cud come and help turn dis organisation quickly, dey are Camelo, Iverson, KG, Stoudemire (Suns) Nash(not sure of his age) Dirk, Duncan or Parker (depending on how dey might do in de playoffs).
I know Iverson has been around a long time, but his numbers and work rate is de same every year, so dat tuh me is a good move, especially seeing dat dat Denver fell short again. Well wid Camelo, we all know what he cud do, plus Camelo is still very young. I'm not a Camelo fan, but I respect his game and talent. It is de same thing wid Duncan, I'm not a fan of him either, but I respect him also, cuz dat bredda is big time.
Mavericks and Suns dey both fell short of expectations again, so yuh never know what their front offices might be thinking, in terms of trades. Well Spurs is not known tuh trade and mash up dey team, if anything, dey does always add ah piece tuh dey puzzle. However, when Kobe done wid dem, dey might want tuh give us Duncan or Parker, so let us wait and see
. Doh be hating cuz yuh team eh get de number 1 or 2 pick in de draft, just be happy fuh Supa and de rest of south Florida
HIGHLY BLESSED.
All yuh we have de 2nd draft pick next month 
De real big 3 - Wade, Marion and 
.
