there once was ah warrior from Tobago
who used to wander on dis board to and fro
he used to support we national team
thru good and bad times and he used to dream
of de day when we make it to de big dance
he used to support at each and every chance
tears does hit meh eye each time ah remember de day
when suddenly meh fren was taken away
breds dis is ah tribute to ah fallen warrior
each year yuh could find him playing mud mas up in D.C.
evrybody knew and loved dis big man, he was very friendly
he used to love to take ah drink or two or three
an when he post is kicks for all ah we
ah sure he jumping and celebrating with all fellow trinis
we biggest qualification to de world cup in Germany
breds dis is ah tribute to ah fallen warrior
many here are new and dey doh know de man called TC
but he is always going to be part ah de forum family
breds yuh gorn but yuh not forgotten, not at all
and ah proud to tell yuh dat we finally climb de wall
and now we going to de football promised land
talk yuh talk TC yuh remain ah true die hard soca warriors fan
breds dis is ah tribute to ah fallen warrior
RIP TC...we make it to Germany and ah sure yuh go be dey.
