Dat is a big big coach doh.
Hmmmmm
Thanks dey palos, cuz ah was now going and ask if he was ah big coach. De good thing about having ah Colombian coach, hopefully he will have us playing dat short passing game and entertaining soccer. De Jack haters, when all yuh go give uncle Jack some credit and realise dat de man really want his country, tuh be in de top 3 in CONCACAF and be respected world wide. Dis man probably took money and proably still squeezing ah change here and there, but ah does always take meh hat off tuh JW, fuh looking out fuh T&T.
Just de other day, men were arguing about if Corneal should ah get dat Interim job. Well before we cud say Jack Robinson, uncle Jack bring ah top class coach in de house, what all yuh go say now? Whether de coach will have success, yes or no, dat is ah different question by itself, JW did his part. But knowing all yuh haters here, all yuh go still find ah way tuh criticise de man. Leave de man alone and enjoy and appreciate what he does forT&T, de man above call him home. We don't know what we have, until we loose it.
HIGHLY BLESSED.