*hauls out de bartpan and start to full it up wid jello*
Ju-C, ah set like ah mapipire fuh yuh, come...
You like dem lil boys, go brave. Jes doh bring dem fuh me! Ay Ay.
I been dere done dat, buy de t-shirt, wash de t-shirt and it shrink. Now ah using it to wipe awf meh shoe.
Man hatta know de curves, de ways, de corners and de techniqueity of approach to circumnavigate all de one way, two way, dead end and roundabouts. Ah doh have time to be bawling behind you "NOT DERE BOY!! IS OVER SO!!
I am not a boy scout pack leader!
Ah doh need de 'all night long', dat is fuh you. At dis age, ah prefer de experience so dat when he done wid me ah feel as doh it was all night long in troot. Doh take dat slight, grasshopper. De lil boys nice to watch but when yuh done drive all dem ferrari and all dem mazarati, yuh does get tired wid de speed and look fuh ah rolls royce to sekkle in comfort and cruise.
At 21 meh favourite car was ah corvette. Now dat ah heading up de road, meh favourite car is a jag. Yuh doh drive a jag fass, yuh does take yuh time so when it hug ah corner, yuh does go rong sweet. All now so corvette jumping de curb and lick away de lampost, tires screeching. Yuh doh screech tires on a jag, girl.
Ah want to lay back and chat afterwards not to see de corvette jump up and run to go play video game telling me "oh babe, it's like so totally awesome!"
Yuh unnerstanning meh?
You go ahead wid yuh charitable donation, I good. Tanks eh? But no tanks.
Nowadays dem boy mudda is only tutty yuh know! And de granmudda is forty-five! You stop dere and feel anybody go pull knife on me fuh dey boy-chile.
~~~~
P, you self...