0 Members and 3 Guests are viewing this topic.
no girl, ah feel P is a wickedness fuh de persecution.
yes ah have tuh agree wit yuh dere! ah feel dey go just start ah thread and talk bout it fuh ah tree weeks while we rot! and every now and den dutty go send we some cutty powder tuh cook up fuh we new friends! wait is dutty or west coast dat was sending de curry powder fuh morvie?
Hear nah...ah never make ah jail yet eh...but if ah have tuh get hole up wid allyuh, I eh go mine. By de time we done make we jail, is plenty material fuh ah lil tell-all oui. Ah go change de names tuh protek de innocent...doh worry.
Caged Heat 3: De Queen, Coco and Chatter
P that is where your mind take you? Coco ah seeing de photos he put dey. One setta prison wimmens...as if dat is what he accustom to...
Quote from: pecan on March 19, 2007, 03:56:58 PMCaged Heat 3: De Queen, Coco and ChatterP wha wrong wid you man I feel is PartZheimers ya have you forget de one wid de LLB, an dat ent mean she is ah Lawyer ehdat mean she is de Leading Lady of Bachanal ...if you call her name I go
Chatter ..yuh din know dat? Yes girl...Martha fix up de cell nice an ting and ah like how Queen tinking. She like meh mudder. Doh waste nutting. We might as well occupy dat empty space.Pecan..is wha kind snap yuh put dey fuh oui? All ah seein is one setta red X. nobody eh tell meh is voting day!!
buh a-aWho start de talk about jail? I jess take it to a natural conclusion ..three women talking bout jail an tingI jes saying dat i cud help yuh with a Prison Break
Queen, it look like we hurting people feelins wid de popularity of de thread girl.Anywayyyyy..ah cyar see dat las snap yuh post dey but ah gather is ah sports oriented one tuh help appease de "gods"?