Cana...hear dis...I doh drink...I tink I tell yuh so nuff time but as God is meh witness, if I come face tuh face wid ah bottle ah Vodka placed ever so strategically in heaven, I go put meh mout on dat Vodka bottle an inhale yuh know an if by chance meh mout slip orf de bottle and land on anudder head, doh blame meh eh.
Lord fadder....I did figure I done sin meh soul wid some ah dem udder postings but girrrrrrrrrrrrrrl....yuh sen meh pressure up wid dat oui!! I doh mine ressing meh head against dat at all, at all. Whewwwwwwww
ah could share ice cream - even dey occasional chocolate cake...
but darlin - fine ya own bottle and cork tur pop.
but ah ain't go lie to ya...ah certain lady friend, me ain't calling name, send meh a smaller version ah dat ah late late night. and hear she caption "ya does drink ?".
it take meh 3 good days to find ah bigger version, and if ya see how ah zoom ein looking to see wha ah could fine behind dey bottle....steups.
get vex nah...
and for a matter ah information, dey walls in meh house ain't design for 2 cat...take note
I reach in work this morning and ah say to meh self it cyah be worst dan yesterday. It ain't even reach 10 oclock good yet Coco, but ah little fella receive ah 'mudda neck' already. I have no more patience..nothing, it gone.
Ah jus call meh mudda, ya know dey woman who suppose to protect she young from harm. Ah call to get some inspiration and guidance; ya know she hang up on meh saying ah distrubing she breakfast, call bak after 4pm...but she go want meh to sen' ting in barrel
Pray fur meh nah....
Since both ah allyuh went saint school...it have any Saint fur Patience?