de amount ah licks i get fuh playin pitch recess and lunch time.de dust use to raise when de whip strike meh backside.lol.
nah ah usta fight every friday in dey church yard.
and since ah know ah was going and get licks when ah reach home, because somebody ben' dey corner and tell meh mudda she lass born fighting, ah use to make sure ah cut arse good....
every saturday was to go by chai grocery for white ribbons cause ah always losing dem by friday. meh hem forever down. ya cyah find meh socks, cause dey sleeping in meh bata bullet. meh white shirt...lawd it was ah mixture ah green grass, dut, blue penna cool stain and ink from dey fountain pen.
thinking bout this now, meh mudda had plenty patience oui