Welcome Russell! Careful not to jump from de frying pan into de fiyah eh. Guidance. Love yuh loyalty.
+++
The obvious four key words are "in the first instance" ... we all hoping for beyond that ...
1. Too many cooks spoil de broth. Dis soup have plenty flavour, nuff ingredients and a few spices ah cyah puh ah name on, but ah very familiar smell.
Hmm? Don Francisco, Pacho brodda, Anton, Latas ... Jack, Dwight ... is a real big pot bubbling ... ah guess everybody going and eat ah food. Maybe iz early days yet.
2. Two heads are better than one ... stands in stark contrast to de crowded kitchen theory of 1 above. Ah wonder who is de head cook and who is de bottlewasher.
3. If yuh cyah stand de heat get out de kitchen. Hmm. So far nobody volunteering to go siddung and leave de broth to bubble at de hands of one or two capable chefs. Hmm. So, am ... still room fuh poison. It mussee eh get too hot yet in de people kitchen.
4. What you see is not what you get. Somebody in de kitchen gehhin a lil career protection. One man is de common denominator right thru ... he is de only one who wuk wid all de different ingredients involved at some point in time ... nobody else could say that ... yuh hadda call him ah key ingredient if is ah corn soup ... if corn eh in it, de recipe change ... ah doubt is ah split pea soup.
5. Ah wouldn't sign up to be de royal tastetester in dat mansion. Refer to poison in 3.
Who hungry fuh de nex 2 matches to kick off? Meh bowl ready and ah have meh spoon. After allyuh.