Ok...Ok....all yuh allowing RF and dem to side track all yuh....whey de other letters folks??
Today ah pass by mih cousin and de talk turn to de loss Sunday and Jack's foolish suggestion that we play our games abroad. So he tell mih dat he HATE Jack, but he find dat de Gov't should just hand over money to Jack just so, WHY?? because Jack been funding football since de Rock ah Gibraltar was ah pebble. So he find de Gov't damn fass to ask for audited accounts.
Den ah customer come een and hear we discussing de ting and turn and tell me how football in dis country cyar survive without Jack!!....well ah wanted to sail something after him. But funny enough ah agree wid him to ah point because any body esle who take over goh have to deal wid dat vindictive snake as CONCACAF president and FIFA VP...
Anywho, de man have people out dey blind to he ways dred...we forumites have to work to get the message out some how....bit by bit, drop by drop till it finally sink into dey bricks for brains....den again in T&T...once dey doh stop Carnival....we good to go....laaawwdd fadder!!...
Right ah off to work on my letter...