TI and KND2, ah like all yuh list, it is ah real competitive bunch of teams. However, ah think all yuh real brave tuh leave out Haiti. Remember dem always strong ,fit and have talent, their only problem was financing the team. Imagine after a game in Miami orange bowl, teams going in dey nice bus and tuh dey fancy hotels, ah see Haitian players pack up like sardines in cars, ah not even sure if dey were staying at hotels. These guys yuh have tuh admire, dey know dat dey have nothing tuh really look for after representing dey country, but yuh what dey run yuh a** down all game and play hard tuh de end. However, dat should soon change, cuz ah heard some ah de big money Haitians in Miami, looking tuh step up tuh de plate and make life better fuh de team. Bless.
Is Stephen Hart dat good, so if Wim gone he wud be ah suitable replacement? Ah rate de breddah, but not dat high, may be ah should read up ah lil more about his resume and see if ah missing something. TI ah does trust yuh word, so ah want tuh keep it dat way, ah doh think yuh big up SH, cuz is ah Canada thing. Bless.