Soca Warriors Online Discussion Forum
General => General Discussion => Topic started by: Quags on July 13, 2007, 09:07:28 PM
-
I' ve noticed ;D ...that certain 'diehards' have gone MIA recently ,and that they,ve all gone together .
They being Dutty Hoe Queen Coco Cana lol ,I beleve they 've all gone to another site eh :thinking: ,last I see Cana she come and say it boring and splurt out . hmmm say what ,alyah leave just so ,se alyah for the hex ;)
btw not sure bout dutty eh ,but it have a few other too eh .Not fearing retribution cause it will take days for they too see this :rotfl:
-
well look nah...ah feelin little nice meh handle in ah thread without cussin ;D
Q, dey Cana busy no ass dese days. Ah livin in ah plane. Dem people ah working for figured since ah youngeth and ah able and I ain't have ah grey hair from them, dey taking full advantage ah meh. Me ain't mind, once dem payin for everything...I good.
Ah going and catch up on dey oder threads here and see what I DIDN"T miss.
Hopefully I'll read something without religion, politics and who blacker dan who but still considered dey self dougla.
Oh ah hear ah miss out on ah thread in ah oder forum when allyuh toliet cleaner frien' show up he true trini colors. Anybody have dat deleted ting, send meh nah.
steups...
-
Ah was cuttin cane wit some haitians for ah lil while dong in de D.R.---= & also managed to discover dat is de wuss wuss wussist place to drive ah moto veehekle :whew:
dem people does make drivin in Trini seem orderly and calm
but so much ah people missin from here...Jumbie, Disgruntled, Silver Corbeaux etc etc....but yuh call mih out big like I ha morney fuh yuh
-
Cana..you an me girl. Imagine somebody actually call meh name widout putting some kinda adjective next tuh it.
-
ah sid down here and ah watching dey General Discussion forum
long time man useta press refresh every 4 minutes so he wonna miss ah beat in here
long time, ya read some shit and ya laugh until ya chest, back and belly hutting.
long time, ya useta tur hear bout ya grandmudda receipe, dey ole time days, who grow up wid rose and hisbisus tree in dey front yard and who grandmudda coulda make dey best toolum and sweet bread..
long time it had reel comedian in here....clean ole talk fur ya to enjoy
wha dey f**k happen in dey space ah 3 months ??? >:(
dey regulars sittin back and watchin dem from dey oder side come over wid dey serious load ah horse manure and takin over dey ting
is not fun anymore nah
somebody open up ah new section call "if ya doh know how to laugh, get dey fack out" discussion forum nah.
-
but so much ah people missin from here...Jumbie
dais de same ting ah was saying de udda day eh
maybe he get ketch by all dem Carp in de harbour dong by de hollows.
-
didn't Jumbie say he was headdin to Trinidad ?
is now ah remember dat...and ah was dere wha week it was yes...steups
-
ah sid down here and ah watching dey General Discussion forum
long time man useta press refresh every 4 minutes so he wonna miss ah beat in here
long time, ya read some shit and ya laugh until ya chest, back and belly hutting.
long time, ya useta tur hear bout ya grandmudda receipe, dey ole time days, who grow up wid rose and hisbisus tree in dey front yard and who grandmudda coulda make dey best toolum and sweet bread..
long time it had reel comedian in here....clean ole talk fur ya to enjoy
wha dey f**k happen in dey space ah 3 months ??? >:(
dey regulars sittin back and watchin dem from dey oder side come over wid dey serious load ah horse manure and takin over dey ting
is not fun anymore nah
somebody open up ah new section call "if ya doh know how to laugh, get dey fack out" discussion forum nah.
ENT?
-
somebody open up ah new section call "if ya doh know how to laugh, get dey fack out" discussion forum nah.
ENT?
aye Coco, wha she mean by "somebody"
she getting Timid in she ole age or wha? ;)
open de topic yaself nuh gurl ;D
Coco, look ah link to distract she (http://www.urban75.org/useless/bored.html) as i run an hide ;D
wait , is ah whole discussion forum she calling for? oh gooooode
-
somebody open up ah new section call "if ya doh know how to laugh, get dey fack out" discussion forum nah.
ENT?
aye Coco, wha she mean by "somebody"
she getting Timid in she ole age or wha? ;)
open de topic yaself nuh gurl ;D
Coco, look ah link to distract she (http://www.urban75.org/useless/bored.html) as i run an hide ;D
wait , is ah whole discussion forum she calling for? oh gooooode
what ya mean ole age ?
catch ya fass and ridiculous self eh... >:(
"ole?" wha name so ?
is Hoe and Jodie buday was dis month...not mines
i is dey same age 7 months ago...
ole!!! HAUL ya ....steups
-
damn...de link dinnent work ;D
-
somebody open up ah new section call "if ya doh know how to laugh, get dey fack out" discussion forum nah.
ENT?
aye Coco, wha she mean by "somebody"
she getting Timid in she ole age or wha? ;)
open de topic yaself nuh gurl ;D
Coco, look ah link to distract she (http://www.urban75.org/useless/bored.html) as i run an hide ;D
wait , is ah whole discussion forum she calling for? oh gooooode
Yuh see how you does look fuh licks? De link work fuh me and ah sure Cana open it too.
I sittin dong on meh Ju-C sorf drink case and watchin allyuh from ah distance.