wha d fleck does really wrong with trini people??
my mudder and fadder hire ah man to build we cupboards in d kitchen...it going on 4 months and thing cyah done...
dey wukkin one week on one week off...
have materials pack up by he house etc etc etc...
so i call d man 2 weeks ago in meh nice lil voice to ask he wha really going on..he say he go come next day...he reach 2 hrs later to do wuk...i happy...
he wuk fuh one week and aint show up since last tuesday...
so i juss call he to ask he what kind ah game he playin
...prayers in 6 weeks...wuk to be done...ah wha me cupboard done..
ah wha all d reciepts fuh purchase ah material etc etc etc
he say he go check meh parents tommorow...ah say no..i going home tomm ah go be dey Saturday morning...come talk to me....
D FLECKIN MAN HANG UP THE PHONE ON ME!!!!!....
rage in meh ass now...ah pull off shoes and ting...call d man back...he swtich off he phone...
he better pray when i done with he saturday morning he mudder doh know what i tell he...i going an get on like on ole 'dutty' indian
...
ah didn't take anger management fuh frippin style...
is nah like he wukkin fuh free...u know what kinda money he making doing that kinda wuk and so u go behave...i fleckin payin yuh ass...
rage in meh ass now....headache...he real lucky i 3 hrs away or u woulda go run up in he fleckin house...
dis is one lil indian who doh give ah shit nah...i payin yuh, do d wuk, have some respect...arghhhhhhhhhhhhhhhhhhh
ah going an call meh lil police link in rio now...ah walkin prepared...