Bertille say......!

[truetrini]

He was planning to forget Jack
An how he was heading back
To lime in store bay
And relax every day
Maybe do like shadow
and plant peas in Le couteau

But he was afraid
he cyar make de grade
so wen Jack call him on de phone
he leave de peas and liming alone
Now he have ah big fren and dem
who name is Alvin and he back coachin

bertille say he hearing voices in he head
an how de voices doh like no dreads
so he picking who he like
to defend play middle in defence or strike
and d evoices doh lie is trute
dey does help him make substitute
bom bom dee bom bom...bom bom dee bom
bom bom bom bom bom bom bom bom bom

he doh know how he get into coaching
since he was no big player or nuttin
but he say he know sooner or later
he woulda get ah call from warner
inviting he to come back
he telling de facts

But every nite when he lay dong in he bed
de voices does come into he head
and de voices dem doh like no dreads
so if yuh want to play have ah bald head
and is no lie is de trute
de voices does help him make substitute
bom bom dee bom bom...bom bom dee bom
bom bom bom bom bom bom bom bom bom

Ah go leave it alone now we..
ah hoping and praying for ah Trinidad win!

[AB.Trini]

man yuh have some talent!!!!!!!  you go boy!!!

[Tongue]

aye True....doh try dat! yuh tryin tuh get bac yuh 3nee stripes.....yuh write ah wha ever yuh call dat bout Bertil and posting below link tuh Portrait of Trinidad.....nah nah nah nah....stick with Born In the USA and Eye of the Tiger...

[truetrini]

dat is why yuh using ah big red tongue from ah rock group?

[AB.Trini]

wait nah ; how allyuh geting them pictures  under yuh names?

[JDB]

wait nah ; how allyuh geting them pictures  under yuh names?

GO to your profile (click on your user name) and edit your forum profile information.

You can select a pre-existing avatar or upload one of your own.

[StoreBayLimer]

He was planning to forget Jack
An how he was heading back
To lime in store bay
And relax every day
Maybe do like shadow
and plant peas in Le couteau

.....

...
But every nite when he lay dong in he bed
de voices does come into he head
and de voices dem doh like no dreads
so if yuh want to play have ah bald head
and is no lie is de trute
de voices does help him make substitute
bom bom dee bom bom...bom bom dee bom
bom bom bom bom bom bom bom bom bom

Ah go leave it alone now we..
ah hoping and praying for ah Trinidad win!

One of your best posts so far.