tht man is amazing boy probably d best i ever see
Really, nah meh breddah, wahappen yuh is 15 or 16 yrs old? Leh meh know, so ah cud forgive yuh fuh dat post . Van Nistelrooy is class, he is one of de best finishers in de world today, but tuh say he is probably de best yuh ever see, nah man. Den again, tuh each his own, so big up yuh self still . HIGHLY BLESSED.
ah say probably d best eh , but u know i is a man utd man so ah must say that, but nah seriously to me i find d man rel good. Name ah man right now (besides Pele) .
All right padnah, ah wasn't on de forum from since last Wednesday, so ah couldn't answer yuh post. Right now ah just pulling up meh past posts and dem, tuh see who ah have tuh large up, who ah have tuh small up and who ah might have tuh cuss up
. Doh worry, yuh know we good so, so ah cah cuss yuh
. There is ah player, when he is fit, he is de best finisher in de world and he finishes wid class 2. Ah wonder who is dat boi,
well his name is
Ronaldo (Brazil) . Mr Ronaldo has proven his class at world cup level and club level meh breddah, and ah sure yuh know his goal scoring record or yuh want meh tuh post dat 2? Come talk tuh meh nah, cat get yuh tongue ah what
HIGHLY BLESSED.