Chatter is only you missing girl....oh gosh man 
We done organized dey bail money from Babsy BarBQue she had dere last weeken by down so
Ah hear she raise enough to bail out 4 from any jail in Canada.....infact it have enough money for taxi service after and ah beer.
well look how i vex i missing dis action. ah go humble mehself in barbados fuh the crop over weekend. ah go take snaps of de booze cruise fuh allyuh. we go exchange. under lows. 
gtlad tuh hear the bail money fix up. so when all dis action starting? is from what day allyuh M.I.A?
I starting from dis evening as soon as ah roll up by de coconut tree Cana stayin....she done say she crossin de border wid babash fuh meh tail. If yuh eh hear from meh fuh ah while...ah might be still recoverin from whatever commess she get me een!!
not me nah...ah was quiet and humble
ah just had ah
couple plenty drinks, plus ah laugh hard on dey Sunday....umm four times
ah behave mehself cause meh mudda always tell meh dat dey only ting ah takin back wid meh is meh reputation.
but Chatter ya miss ah good fete on Sunday girl "big people fete"
as usual meh place was front (almost left) by dey black speaker box and dem.
hear nah....ask Queen, but it was a nice nice fete...NO young birds - ah nice mature crowd.
music by Kees and he band wid how she name (Queen help meh here), David Rudder, Anselm Douglas, Lord Nelson and Carl Jacob, Trini Jacob, (make ah special appearance), Maximus Dan umm if ah miss anybody Queen go full ein.
Ah have some snaps of dey artistes and dem...lemme upload dere.
Girl is dey lime after dey fete dat crown off Caribana for me....is meh pride dat didn't make meh roll on dey people ground....
talk bout laugh...meh depends diaper come ein handy.
look lemme get dem snaps
ah coming back
