Well ah finally coming home after 10yrs and ah cyah count dat time either because it was business and worries ah eh get tuh see not even mih family. Dis is mih furst vacation so is 15 years.
Well ah lorss, what ah go do? apart from visiting family. Ah ask mih uncle who have hotel an ting if he have room he say yes, it go cost 100US ah night, and dat is ah deal. (QUESTION: I tought I was family since when ah have tuh pay tuh stay) Den ah call mih aunt ah ask she how much? (since mih uncle say ah have tuh pay) she say" boy get away wit dat ting so yuh coming by yuh aunnt yuh eh have tuh pay ah ting" yuh know after dat ah say ah going in she big house, and give she money jess fuh she kindness.
Well now tuh de main point. Ah coming home wit mih family wife & 2 girls ah eh know all ah could do. two weeks three days in Tobago (ah go stay in meh uncle hotel befor he have ah fit(yuh know how family is) go tuh de zoo, de botanical gardens, visit meh old schools, manzanilla, any warriors games in trini 14-28 June?
Tell meh ah staying in Gasparillo so what else ah should do. Mih Tobago trip well booked. but Trini