Messages

1

Football / Re: Nice article on FIFA website of "the comeback kings"

« on: October 28, 2005, 01:21:54 PM »

I partially agree wit KND an ELAN...When we play de US in de oval man bawl how Yorke come back cause he suckin salt in England...how he career comin tuh ah end so he come back....IZ true, if Dwight was still on ah big side, yuh feel he was coming back tuh play fuh tnt? I eh tink so.......latas had probelms wit de administration and wanted ah coach wuk and didn't get it...big big letter to trini bout why he didn't come back...in de end he see light and come back cause we had ah chance....de man eh stupid he watch de points, he see who we still had tuh play an say YES we have ah good chance of makin it so leh meh come back....dem men play ball fuh Triin fuh years and everybody know their talent buh men forgettin de decisions they make fuh SELF instead for COUNTRY and now all of a sudden dem men is most patriotic....stay deh an feel dem men eh tinkin bout SELF too....I glad dey come back cause dem iz de men tuh make trini reach de world cup BUT I eh forget how dem treat de trinidad football.....all de cuss Stern and udder men get fuh playin shit, dem men stick it out an work hard tuh put us in dis position....

2

Football / Re: Congrats to Pres (Sando)!!

« on: October 26, 2005, 03:02:39 PM »

Boss It was Fabien and Osbourne dat murder every team in de league and it was me who manners alyuh star Scott Rodrigues, ha,ha

Dyer is that you dred?

is Lewie

Wayyyyy LOOK another PRES BRUISER on de site....wuh happen now Lewie?

3

Football / Re: Congrats to Pres (Sando)!!

« on: October 26, 2005, 03:00:51 PM »

Cobo....doh mine Fabien he have plenty stats IN CHAMPIONSHIP against all big SIDE but doh min DAT ah small man 14 year old AND Mr. Fresh mash up Eldo in 87 in Skinner park eh FINAL socre 2-0....hole yuh corner...Eldo sorf!

4

Football / Re: Congrats to Pres (Sando)!!

« on: October 26, 2005, 02:45:35 PM »

Cobo....do yuh research before yuh post, Check dem files.....Frame (Nigel Fabien) twis up real men in Intercol (Naps included) with de 86 big side and 87 too....probably years before dat but I play wit de man in 86/87 and de man HAS talant....he will beat yuh and dem laugh at yuh as he pass, how yuh tink de man come comedian, he practice shitting up real NAPS man on de field after deh get beat

5

Football / Re: Congrats to Pres (Sando)!!

« on: October 25, 2005, 02:21:57 PM »

Uprising I know you feel de wrath of ah Pres man in Union Hall in Big 7 but I eh callin no names!

6

Football / Re: Congrats to Pres (Sando)!!

« on: October 25, 2005, 02:19:38 PM »

uhmmm...dah naps man lookin small....yout before yuh open yuh mout understadn wuh yuh sayin....over de years nuff naps man get twis up from dem pres men...allya winning out now when de standard POOR (big up Uprising)......In de 80's and 90's Pres massacre allya...doh leh meh start callin names of men dat get twis up on de field....I have files cause I was ON de fielf at de tiem...dey have ah man in dis message board dat DO it repeatedly (big up Baller fuh life)...DOH LEH ME CALL NAMES!

7

Football / Re: This is so BLASTED DISAPPOINTING!!

« on: October 10, 2005, 02:58:35 PM »

yeah doh feel becasu eyou deh or you onde message board more dan everybody you is de diehard fan, udder men jus like you but eh have all de time you have tuh talk bout it....

8

Football / Re: im off to KFC...3 pc spicy wit fries...and meh kiss meh ass WQC ticket..

« on: October 10, 2005, 02:48:46 PM »

Grill food is big, big business in TnT right now. BBQ and Jerk, Chicken, Beef, Pork everywhere.

They sell burgers too, but exclusive Burger chains struggle in TnT because if yuh going for franchise fast food most times is chicken.

If yuh want burgers yuh have the grill man or local grill franchises like Eat-It or Rib-House (and several others).

When McDonalds was in TnT the grillmen mash them up by selling burgers at prices that they just couldn't match. McDonalds drop they prices, start pushing fried chicken too but they couldn't make. Had to pack up and leave.

Baddess burger in Trini....Dem men dat grillin chicken, fish and beef burgers by de gas station in Valsayn

9

Football / Re: Since Panama out, Jack could talk them into playing here, just like 2001???

« on: September 08, 2005, 02:46:39 PM »

Wah all yuh talking bout, yuh fraid we cyah beat Panama, if  that is the case we should not be in this competition at all.
Let us win this one fairly and forget all that nonsense about where we go play.
If it is for us we will make it.
I eh seeing sting PANA after the 5 they get in they ass

man if Trini doh watch dehself they could get 5 from Panama....hear nah man, dis side have tuh want tuh play and execute or else they could lorse tuh ah collge side.....this eh no side that could jus show up an win

10

Football / Re: Who Really see the game here?

« on: September 08, 2005, 02:33:44 PM »

I real tired ah men talkin bout how good we play ans still lorse.....HARD LUCK? steups, we lorse we eh do enough to win de game...we lorse and now fightin' to win we las 2 game

How alyuh want it? Salt-or-Fresh?
Take ah Fresh: yeah de team play good, we had chances, it was ah hardluck, we could still make it, blah, blah blah...

Hold ah Salt: We are lacking all the intagibles that CANNOT be coached! Fuh all de band-wagonists that now learning de game, I'm speaking about PASSION, URGENCY, AGRESSION offensively and defensively. We eh have it, is always ah hardluck, next time...

Nutz man.....you talkin de talk....I want ah fresh, ah fresh team dat have all dat yuh talk bout