March 28, 2024, 05:03:21 AM

Show Posts

This section allows you to view all posts made by this member. Note that you can only see posts made in areas you currently have access to.


Messages - breezers

Pages: 1 ... 16 17 [18] 19
511
Football / Re: Chelsea Vs. Barca (from the guardian)
« on: March 06, 2006, 11:40:12 AM »
Barca Fans STAND UP!!!!!!!!!!!!!! Ah feel Chelsea good fuh 3 in de Nou Camp...yuh see how Messi fired up and Ronaldinho dun say dat Chelsea intrested in him.."buh dey style doh fit him"(yuh noe how de EPL does stifle men skills)..ah noe he ready to finish de job, alongside Samuel de KING.....faddah....Chelsea goose cook!!!



512
Football / Re: The Crossbar Challenge - T&T
« on: March 04, 2006, 12:27:30 PM »
yeah good work Ned..thanx fuh de close up wit de warriors!!! RESPECT!!!!!!!!!!!!!!!!!!!!

513
Football / Re: Thread for the TRI v ISL Game.
« on: February 28, 2006, 04:05:50 PM »
who is this "lapaty" the commentator keep mentioning?? :-\

me eh now who is "lapaty" nah orse..but de commentator remind meh ah Dave Lamy wen ah hear dah one.

514
Football / Re: Thread for the TRI v ISL Game.
« on: February 28, 2006, 03:30:52 PM »
Fellaz............................................................................................................................................................................................................................................................................................LATAS IS HERE!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! (min 59)

515
Football / Re: Thread for the TRI v ISL Game.
« on: February 28, 2006, 03:27:13 PM »
yuh see dah Yorke, hes too much ah class..allyuh eh see da penalty..dah man ha real belly boi. WORLD CLASSED PLAYER!!!!!!!!!!!!!!!!!

516
Football / Re: Thread for the TRI v ISL Game.
« on: February 28, 2006, 03:07:48 PM »
fellaz ah love how we dubbin it..we lookin well organized,so we jus need tuh build on dis impressive first half performance and we sure tuh upset poeple in Germany..an hear nah..allyuh eh find that the de atmosphere in de match is similar tuh dat of ah home game..We really ha warriors in abundance all over yess!!!!!!!!!!!!! GO WARRIORS!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

517
Football / Re: The Real Kit!!
« on: February 27, 2006, 11:33:54 AM »
Wah allyuh tink?


me eh really like it..after I see wuh Germany have, I was hopin dat we get de same ting too. Buh anyway.. it much betta dan de finta kit.

518
Football / Re: zargoza vs BARCELONA
« on: February 26, 2006, 05:36:55 PM »
Men have to walk off the field and take a stance.  Is then the Spanish federation will realize that this is serious business.  Fifa need to start deducting point from teams whose fans are guilty of this most unfortunate, ignorant behavior.

Yeah faddah..I agree wit yuh straight up!!!

519
Football / YoungSTARs
« on: February 25, 2006, 07:38:56 PM »
Yeah fellaz it have ah good amount ah young players who causing it rite now..buh who allyuh rating as de best..to make it easier we talkin bout players under 21..so dat eliminate men like Robben,Kaka,Gilardino and Reyes..jus tuh name ah few..I personally like Robinho cuz although he's ah light weight, he's ah good finisher and he go run whole day fuh yuh..an he does make some sensible runs too..well ah eh ha tuh talk bout he skill cuz allyuh noe wuh he could do..buh de most impressive thing bout him is as ah striker he does work hard on defense..dyez de edge he ha on dem other fellaz.

520
Football / Re: Allyuh ha tuh check out dis ras!!!!!!!!!
« on: February 25, 2006, 02:06:51 PM »
tell meh wuh allyuh tink???????

Yuh REAL late... ;D

well ah apologise to de board. 8) 8) 8) 8)

no need :chilling:

Exactly.  Jes lil picong sah. Las I check, dis was a Trinbagonian site so yuh should know to expeck a lil heckle.  Nutting personal.

no scene..Bless UP!!!!!!!

521
Football / Re: Allyuh ha tuh check out dis ras!!!!!!!!!
« on: February 25, 2006, 12:52:04 PM »
tell meh wuh allyuh tink???????

Yuh REAL late... ;D

well ah apologise to de board. 8) 8) 8) 8)

522
Football / Mr. Woo!!!!!!!!!
« on: February 25, 2006, 12:46:22 PM »
Dis fella reeal bad..ah see some bad bad men before eh..buh ah feel Mr Woo take de cake!!
tell meh wuh allyuh tink???????
http://media.ebaumsworld.com/mrwoo.wmv

523
Football / Re: Vote Dwight Yorke's goal as Sydney FC's Goal of the Year
« on: February 25, 2006, 12:37:43 PM »
dat goal not dat awesome compared to the other seletions???????
still voting for dwighty of course tho
 :D:D :beermug:

yeah orse..ah feel ah lil guilty fuh voting fuh Dwightie goal eh..cuz it was certainly not de best..buh it was ah dam good,cool finish..so ah could sleep comfortable with dah guilt man!!

524
Football / Re: Beenie lobbys FIFA over Zamora, J Lloyd and Justin Hoyte
« on: February 25, 2006, 12:28:18 PM »
I really hope that fifa dont clear zamora to play  for TT  he dont deserve to be there

yeah well said..dyez wuh I sayin too..ah mean..de man might add some more quality tuh de team uhnuh(???)..but he's ah tru example of ah waggonist..so leave him rite way he is..and at de same time leave Hoyte dey too..we should focus all we efforts on tryin tuh organize J Lloyd.

525
Football / Re: uefa champions league
« on: February 25, 2006, 12:19:45 PM »
yeah..I wuh Real make it..we (La Liga teams) cyar leh dem boo teams from de EPL with a few good players (de rest is wild men) to progress . Dah eh go look good.

526
Football / Re: Romany: Exciting times for Pro League
« on: February 25, 2006, 11:50:12 AM »
Anybody ha info bout de other teams dat was tryin to enter de PFL??

527
Football / Re: zargoza vs BARCELONA
« on: February 25, 2006, 11:37:34 AM »

ZARGOZA LUCK HAS RUN OUT WE GOIN CUT DEH TAIL DIS EVENING

Dyez wuh I sayin too, we go fix dat!!!!

528
Football / Re: Who man enough? Chelsea vs Barca
« on: February 22, 2006, 07:14:09 PM »
FC Barcelona is ah BIG BIG team..we now in de drivers seat wit dah 2 away goals..so although we dun out class chelsea in England today,we jus cyar wait tuh demolish dem in de Noucamp.
P.S Didier is muh boi still,buh Samuel separate de sheep from de goat fuh all de doubters today.

529
Trinbago, NBA & World Basketball / Re: aLL sTAR gAME
« on: February 18, 2006, 10:30:45 PM »
Igoudala got flat out ROBBED!

Dem judges ruin what was a good ting....a real sour endin to an otherwise entertaining dunk competition.

Igoudala eh geh no rob..dah dunk-out wasn't even tuh go tuh no sudden death..it was tuh be over wen the short man dunk over spud web..one ah de judges geh Igoudala ah 10 fuh he dunk jus tuh sen it tuh sudden death..ah mean....de dunk was ah good dunk buh he didn't deserve no 10..short man jus like spud and he deserve tuh win all de way!!!!

530
yeah de boss..check out dis link.

http://www.panonthenet.com/radio/index96.htm

531
Football / Re: Guyanese Players in T&T Pro League
« on: February 13, 2006, 03:37:17 PM »
check out dis piece ah info de boss!!

Nigel Codrington - F - San Juan Jabloteh/Trinidad
Devaughn Dummette - M - San Juan Jabloteh/Trinidad
Kayode McKinnon - M - Caledonia AIA Fire/Trinidad
Howard Lowe - D - North East Stars/Trinidad
Charles Pollard - D - North East Stars/Trinidad
Travis Waterton - M - North East Stars/Trinidad
Kelvin McKensie - M - North East Stars/Trinidad
Walter Moore - M - North East Stars/Trinidad
Abassi McPherson - M - Joe Public/Trinidad
Carey Harris - M - Joe Public/Trinidad
Randolph Jerome - F - W Connection/Trinidad

dis was posted in September '05 by Sam ah tink...ah nuh too sure if de whole list valid..buh ah feel at least de majority should be..

532
Football / Re: Aurtis to lock down oppossition midfield
« on: February 13, 2006, 03:14:20 PM »
I agree 100% wit dis statement..dis is one man I knoe will produce de goods in Germany..ah regard him as we 'secret weapon'..me eh comparing him tuh nobody, but ah sure at de end ah de world cup de man go be ah much more respected player internationally.So LARGE him UP!!!

533
Football / Re: USA vs Japan
« on: February 11, 2006, 09:52:50 AM »
USA 3 VS Japan 1. Couldn't tell if it was japan ist team or not, but the US mashing them in. Without some of the best playerz too.

Quote
Me is nuh no big fan ah de states..ah like ah few players, buh ah was really impress wit de States level ah football..dey look like ah big team...I like tuh give Jack he jacket,I is nuh no hater..dey truly man handle Japan, who fielded ah much betta team than Norway did. De states rise to de level of dey opponents and den dey take over de game and set ah level ah dey own..Japan couldn't handle it until de states make a few subs.So if dey could play at dah level on ah constant basis, dey might match up well against de teams in dey group.But ah still feel dey go geh lixx.

534
Jokes / Take some kicks from Learie Joseph!!
« on: February 10, 2006, 05:45:46 PM »
Yuh could really find anything on de net wee!!!

http://youtube.com/w/The-Best-Of-Learie-Joseph-p2?v=cTccWRV2cyA&search=trinidad

(copy and patse)

535
Football / Re: AP: International future of Jamaica's Whitmore in doubt
« on: February 10, 2006, 04:58:05 PM »
Long time me eh see Tappa play,so ah eh too sure bout how he looking..but dat J-can was one ah muh players...he coulda real dubb it an ah like he style..an although J-ca try doin without him lately..dey still need him around in my opinion..me eh see no J-can stepping up to play dah type ah role at de moment..Buh anyway..ah wish Theodore all de best and ah hope he find a quality team,where he could geh some playing time..Allyuh feel we could afford to bring him in de proleague fuh at least ah year?? (Doh study age,study quality)

536
Football / Foot-In-Mouthalitis!!
« on: February 10, 2006, 01:06:59 PM »
Yeah fellaz Egypt jus beat Ivory Coast on penalties tuh wih de ANC for a record fifth time.And Mr. Didier"I betta dan Eto'o" Drogba is now suferring from foot-in-mouthalitis. After he claim he betta dan Eto'o.. he choke in de ANC finals..throwing way ah sittah around the six yards.. and still throwing way he penalty in de shootout. So now ah sure he go act like he have ah lil more humility now!!

537
Football / Re: Drogba: I'm better than Eto'o
« on: February 09, 2006, 02:39:17 PM »
Me eh no bout allyuh, but ah starting Eto'o on muh team any day in front ah Drogba. Doh gemmeh wrong uhnuh,Drogba is ah good player..and he in ah great position tuh buss up he beak..seeing dat he is ah finalist and he was de hero in de game against Cameroon..while Eto'o was de villian...BUT NO WAY AH GO RISK MY HEALTH AND PUT MY HEAD ON AH BLOCK FUH DROGBA INFRONT AH ETO'O...CAUSE AH SURE AH GO GEH IT CHOP OFF!!!!!!!!

538
Ah suprise....no Rougier!!!!!!!!!!! Anyway..ah glad Noreiga geh ah blie..so he LARGE!!!!

539
Football / What is De Superclassico of all Superclassicos??
« on: February 05, 2006, 04:58:53 PM »
Yeah fellaz wuh allyuh think?? Tuh make it sweetah...besides club only, ah go  include national teams too. So it could be matches like ah T&T vs Jamaica or ah Brazil vs Argentina or even ah River Plate vs Boca..It ha too much ah teams to mention yes.. Buh anyway.. my pick go be ah Barca vs Real..Ah could be anyway in de world..once dah game on ah ha tuh see it live..It so serious dat real important things does ha tuh be cancel until da 90 finish, STRAIGHT UP!!

540
Football / Re: Where My CATALANS ?
« on: February 05, 2006, 02:47:37 PM »
Yeah ponnox..we rite hear.Doh worry yuhself we eh run outtah steam...we saving some fuh Chelsea.Ah eh see de game, but ah noe Guacho and Eto'o eh play..and ah sure ah eh ha tuh convince yuh on wuh dem 2 fellas could do on dey own. Anyway.. we could afford ah lil slip up in la liga..cause we still leadin comfortabley. So dah loss is no scene!!But jus noe to ready yuhself fuh de superclassico ah all superclassicos in de noucamp!!

Pages: 1 ... 16 17 [18] 19
1]; } ?>