Messages

541

Football / Re: WHERE MY CATALANS ???

« on: February 01, 2006, 10:36:36 PM »

Yeah, yeah.. ah hear we loss.. but dyez nuh no scene, it does happen in sports.An Zaragoza always is ah troublesome team in de Kings Cup. Yuh is ah Real fan so yuh knoe wuh ah talkin bout.Ah eh see de game, so ah cyar comment on de performance. However with la liga in we firm grasp, we need to channel all we energy towards meeting and BEATING chelsea in de CL...Well after Barca, Real is ah team ah like, so ah wish dem all de best against Arsenal. And ah glad dey catch some form now too(Hail ROBINHO).Buh anyway.. ah sure yuh eh looking fuh dem tuh try tuh make ah challenge fuh de league title..RITE??Second place eh bad man!!

542

Football / Re: Four clubs want in on Pro League.

« on: February 01, 2006, 06:29:43 PM »

Yeah being ah deep south man...,Point man tuh be exact.., ah represented both Civic and Starworld, so it go be nice if both teams are accepted into de league yuh noe. Well public was on dey own scene,but as far as I'm concerned dey shoulda never leave de pro league(politrics), so it go be nice tuh welcome back de Eastern Lions.Ah doh noe too much ah bout Spurs, but ah familiar with de name, but once all de teams could handle dey business, in terms of handling dey players(Public excluded of course), I wuh all ah dem tuh get een.

543

Football / Re: My Name is KND and I is a Socawarrior!

« on: February 01, 2006, 08:58:54 AM »

My name is breezers and I is ah soca warrior!!
Bless Up !!!!!!!!!!!!!!!!!!!!!!!!!!!!!!

544

Football / World Cup Absentees!!

« on: January 30, 2006, 07:42:20 PM »

Ah always did like Cameroon and Nigeria, but since Senegal come on de scene, ah had to share de respect between de three ah dem oui. But muh vote goin tuh Cameroon.

545

Football / All de men who like nice knock and good football way allyuh???

« on: January 30, 2006, 03:42:12 PM »

Tuh all muh Dutch fans here dis, I is ah big fan ah Holland after de soca warriors, but rite now tings nuh really going my way yuh noe. Ah is ah man love men like Kluivert, Davids & Seedorf jus to name ah few, but Van Basten reluctant to include de men with all de wealth ah experience (de olemen) in de squad.Doh gemmeh wrong yuh noe, dem youthmen real holding it down..men like Castelen, Kuijt,Babel and Robben is real poison. An ah believe because of demmen playin well and gettin results Van Basten feels he could do without de aforementioned olemen. Ah mean is ah good thing when yuh could bring young players and get results at ah world class level but at de same time ah would like tuh see some ah dem olemen grace de world cup finals with dey presence fuh de last time.
An jus ah little food fuh thought.. It go be real nice to see de soca warriors in dis type ah dillema in de future. Wuh allyuh say??

546

Football / Re: Which Youths should make de team?

« on: January 28, 2006, 07:02:56 PM »

Yeah fellas, yuh see Noreiga..hes ah BIG player, with ah level head. He is ah defender datz hard to pass, an at de same time he would hit yuh hard.Dah boi doh take prisoners...And at de same time hes ah man who could pass and control well.So in ah nutshell, de man compose enough to get muh vote an I believe hes de man tuh go tuh Germany, once all goes well.
And doh fuhget hes de country latest professional player.
Club: Portland Timbers.

Yuh mean Kansas City Wizards right    because that is who scope him up in the supplemental draft.

Yeah muh brethren yuh right. Datz de latest with Nore. But wat happen was de Timbers Draft him first nah..,dis happened before de supplemental draft. Anyway ah glad he get into de MLS yuh knoe. Dis is ah nice steppin stone fuh him. BIG RESPECT TUH HIM!!!

547

Football / Re: Fastest footballers

« on: January 27, 2006, 07:50:39 AM »

How Adriano eh make dah list??

548

Football / Re: Which Youths should make de team?

« on: January 26, 2006, 11:33:06 AM »

Yeah fellas, yuh see Noreiga..hes ah BIG player, with ah level head. He is ah defender datz hard to pass, an at de same time he would hit yuh hard.Dah boi doh take prisoners...And at de same time hes ah man who could pass and control well.So in ah nutshell, de man compose enough to get muh vote an I believe hes de man tuh go tuh Germany, once all goes well.
And doh fuhget hes de country latest professional player.
Club: Portland Timbers.

549

Football / Barca ha too much ah dept tuh be beaten!!!

« on: January 22, 2006, 03:13:46 PM »

Even without the likes ah the firing hot Samuel Eto'o and the .... well.. Deco(over rated in my book), barca still cyar be stopped. Chelsea better watch dey self cause the catalonians coming fuh revenge and fuh all Chelsea fans allyuh team draw with Charlton 1-1.So dey lost dey 100% home record in the Prem.

http://soccernet.espn.go.com/news/story?id=356074&cc=5901

http://soccernet.espn.go.com/report?id=190633&cc=5901

Chelsea in so much fear, rite now dey tryin tuh sign Eto'o.The figure ah hear dey offerring is 60 million pounds.

http://www.football.co.uk/chelsea/etoo_plays_down_blues_move_218273.shtml

http://www.sport-wallpapers.com/football_wallpaper_big/Etoo_fils_eto_samuel/samuel_Etoo_fils_eto_2.jpg

550

Football / Re: ETO'O Get Hat Trick today

« on: January 21, 2006, 02:20:37 PM »

Yeah boi a real glad fuh Eto'o.Iz time he get some respect now, b/c he was causing de same trouble at Mallorca,but just everbody was over lookin him. Well right now he's de BOSS.I puttin him in de top 5 strikers in de world right now, hands down!!!
If yuh feel ah lie, ask Roberto Carlos which striker he fear de most in la liga?

551

Football / Re: Trinis in action (Jan 21, 2006)

« on: January 21, 2006, 02:06:38 PM »

Yeah Yeah Big Up Stern!!!!!!!!!!
Iz Bout Time He Leh Dem Doubterz At Derby Know Wuh Time It Iz.