213
« on: March 07, 2009, 06:57:58 PM »
Been there tremendous amount of times. I eh go lie though, I respect dey oui. Once when I was a lil boy bout 13yrs old I went to collect something up the hill for mih Daddy. When going up ah bounce up a group of fellas, teenagers to young adults who decide they go wild meh ah ras follow meh for awhile telling me leh he doh see me up here again because he never see me before. When ah tell yuh ah shaking on the inside eh.
Ah collect the thing for mih pops when coming dong the hill ah saying to mihself how de ass ah go pass dese fellas again without getting a cutass, right thru ah only studying the ras. Ah bend de corner and spot dem, ah put on mih doh care, oblivious expression and proceeded forward crossing the road hoping they eh recognise meh. Jes as I getting pas dem the ras spot meh and start, "Aye ah eh tell yuh doh pass back here again yuh eh hear meh or wha". He start crossing the road to oppose meh and ah taking meh time like me eh business bout he till he decide to give up and telling me ," Ah save you this time but the next time you eh go get away so easy". Ah reach meh fadda car and jes dive in and quiet quiet ah went home.
Laventille descent but ah doh close mih eye dem atall when I up dey.