31
General Discussion / Re: No Vagrants
« on: February 22, 2006, 05:06:14 PM »
Well the last time ah visit POS ah couldn't believe mih eye. Six young strong Afro-Trinis were seen hauling out stuff from ah garbage truck as it was turning into the La Basse on Beetham...ah vagrant was seen fighting up with garbage inside ah disposal bin near to the great twin towers...the place nasty, nasty, the toilet in the airport stink, stink...the face basin stand bite up, bite up as though somebody vex with the place, no toilet paper, no soap tuh wash yuh hand. Ah guess dat "we like it so." I doh like it so...if some people want tuh continue tuh live in latrine well dat good for dem...all dey missing is a shining latrine lizard around dey neck. Wuh wrong wid Trinidad...we talking development buh many of our politicians are blind with power...and hustling kickbacks. Tings eh looking up at all every where ah pass...wid all the windfall of oil dollars ($US60/barrel). Now Ato gone and join ah set ah people dat he eh know about...wuh happen? He run out ah mind or what. If Roy throw from dey how come Ato gone dey? Every damn ting in T&T topsy-turvy...thank God for the SocaWarriors who have done more than expected in helping out ah bad situation. Ah love T&T buh the place need rel help...help tuh mobilise people for productive service...everybody sitting dong expecting dat somebody else go do someting...we have tuh pull together to at least patch up the Humpty-Dumpty that we created.