Dear SOCAWARRIORS Supporters:
Prophet in own country not recognized...so ah jes shut mih mouth when people start talking choopidness.
Allyuh remember when I said dat T&T SOCAWARRIORS need $$$$$, plenty money tuh see dem thru to Germany? Plenty people on dis website were full of ole talk, mamaguy and dotish talk about who trying tuh make money, etc, etc. Maybe dis is all what dis websiteis about...tell mih ah eh know wuh ah saying. Indeed, ah like the jokes and ole talk because I is ah Trini tuh mih heart buh when it come tuh business...business before pleasure, unless pleasure is yuh business! Is ah straight case! I know plenty people right now who go put dey money wey dey mouth is. I willing tuh help. Tell mih wey the
ScotiaBank Account is and ah go spread the news. We have tuh help raise $US15 million at least. How much Trinis using dis website? We could help...sacrifice one lunch per week and save the money and then send it to the
ScotiaBank Account in T&T...give me the directions!!! Thanks.