Ah get up nice this morning! I am sure i was one of de few forumites tuh sleep good.
tickets 95% sold out and de stadium going and be packed! I leaving south around 1pm hoping tuh reach dey bout 2:15 fuh de latest!
Meh finta done press and hang up and everytime ah watch it i does blush! Ah does blush cause this evening de 'general' going and wear one just like dat. Ah went tuh get his name print on it but de people at kennys was giving meh too much ah hassle so i say shit dat!
Meh match report going and be nice today! I expecting stern tuh come out of he slump and i also expect dwight tuh register one for de red white and black!
Me, cowen and some other pardners making de turn today so touches, hyperhotJ, big magician, and patriot ah go call alyuh when ah reach in de stadium. Ah hope it have give aways cause de only ting i walking wit is meh umbrella, and dat fitting in meh back pocket.
Ah looking out fuh ponnox and he outfit.
All forumites who goin de game, leh we link up at half time somewhey and nice up de vibes! de first rounds on me!
bunji garlin music.........
TELL DEM LORD OF DE RINGS (concacaf)
IS DE RETURN OF DE KING, (latas)
TELL DEM LORD OF DE RINGS
IS DE RETURN OF DE KING.
ah feeling it!!!!!!!!!!
ah love it!
4-0!! for de warriors!!