But really in TT who man does blame when team loss ?
All the posts here make good football sense but this TT, like allyuh spend to much time outside or watching too much foreign ball.
In TT it does go like this.
An dis go be famous TT excuses.
De defense to blame,
De midfield play shit,
De forwards have two walking foot,
De coach ent know what he doing.
De ground was too wet or dry,
Dey should ah kick up in de first half instead ah down (or vice versa)
De other side play men from ah next team,
De breeze change direction all of ah sudden,
De sun was in mih eye,
De party last night was too good , we shoulda leave earlier,
An (
jus fuh true trini) it was Jack fault.