Aight. Fifa 98 was de first Fifa that i remember having we in it. Dat in my opinion was one of the best Fifa's in that it had world cup qualifiers, world cup games and most european seasons. The player info wasnt all dat, we had a goalkeeper named cool and de commentators used to pronounce rougier name "roof-e-ay". Was decent. Used to call latas, yorke and nixon name, for the intro movie for trinidad dey used to show carnival and ting.......and in de shot of de stadium even had de old tanker dat in de sea in de background
....after dat fifa jus start putting in de teams dat make world cup in de international teams list.....In fifa 2002, it had we.....buh only players like yorke, dog,stern and latas had dey names...had fellas named Number 12 and he number in de game was 5 all kinda folly. Was REEEEEEEEEEEEEEAAAAAAAAAAAAAAALLLLLLLLLL tata too.........ketch meh ass tuh qualify fuh world cup wit dem and after all dat dem jus tell me "congrats..you have qualified for the FIFA WORLD CUP 2002." Not one mudders after dat. Den dey bring out World cup 2002....which i find was mess. Once you is a player wit a star....you hitting one setta demonic bullet from half line and it dead on target and if is a dog side yuh playin wit...yuh net getting bore. Gameplay wasnt tuh my liking....real false and ting. After dat a man on soccergaming make a concacaf patch (yeh he name donavanfan btw) for fifa 2005 so yuh could play world cup. Man make cornell glenn speed 99 and ting.....and all we have was jus strikers and midfield. Few defenders. I a man went and play world cup......and coincidentally england was in my group....i draw wit dem....dem had rooney like a god was rel pressha....make second rounds.....beat germany on penalties.....beat argentina in de semifinals....(i ketch meh ass i tellin yuh dat) and den in de finals play england. RELLLLL PRESSHA. i a man playin fifa from whey back, and first ting i did wit 98 was qualify for world cup wit we.....same for 2002 as well. I promise dat dis go be de first fifa i buying original jus cause we dey. 2006 fuh xbox 360 dey only put UEFA qualifiers cause they rush it...and it was special for the 360...but i cyar wait fuh dis one. i done have 2006...and as usual....de instant downloading go happen, but i buying dat fifa world cup 2006 jus cuz we dey. I grow up waiting for dis fifa moment and it reach. Once it have de skeg wine by de corner flag like 98....de joy go be dey/
