Morvantman ya damn right with dey seat belt yes
when i was in tnt for christmas last year, i jump in ah car with ah seta meh friends and we heading down dey foreshore
ya girl put on she seatbelt....cause datz dey LAW right ? well in Canada it is...so ya accustom
dey amount ah ole talk i get from dey mudda ass and dem, bout how i fraid to dead, and how dem is careful driver - nothing ain't go happen...
jus den ah another car come up from behind and pass we....hear nah, one more coat ah paint we woulda bounce. I see 6 angels and meh dog sparky that dead years ago....talk bout pray !!!
so brudda put on ya seat belt and doh worry bout dem.