Oh gorm allyuh de Janitor clean up de madness from yesterday allyuh come to make more mess?
Anyway before dis ting get rel outta hand....ah fine allyuh should pull back on de personal attacks
Green Beret come troo, he take he ting like ah man and say he go come back....dat is how trini does do it,, take de talk and come back ah nex day to give some, but de man do it non personal and respectful
De yankee chick do de same ting,, she could take picong and she could give (although claws come out an ting)....lehwe keep it at dat level an done nah?
Some ah de fellahs who livin in de states of the opinion, 'doh bad tak de hand dat feed yuh'...nuttn wrong wit dat,....dem eh waste dong Trini in de same sentence, so man cyah get vex fuh dat
Fuh de americans, wuh allyuh seein here is jus rivalry...no different from de Red Sox vs NY Yankees rivalry..or Knicks vs Heat or Bengals vs Browns etc etc etc
De USA will always get pong on here.....but is really de team and Arenas in particular dey mean
Dis emotion ting on ah message board go spiral too high real quick...so allyuh ease back lil bit, no need to bring in politics and all kinda ting dat really eh relevant
If allyuh have to get REAL...ah willin to sponsor ah grudge match beetween Toppa vs USwarriorgirl in ah ring filled wit Jello and tight T-shirts
Odder dan dat some allyuh need to read Touches post...and 'tek dat an cool it'