All true soccer players and supporters must bare stripes for the game. Either yuh get yuh arse cut from yuh muddah, yuh break yuh foot/ arm or any part of yuh body... yuh get bite by ah police dog cuz yuh storm ah game... yuh school rival with ah next school in intercol and bottle start passing and yuh get ah buss head ...yuh know de juicy stuff...
I don't think i've seen them all so tell me about your experiences
I'll start....
Back in de dayz when PASSIT was de biggest club in point fortin ah was ah young defender.. ah was ah lil rough and hard headed nah. Me ain't give ah flying doubles who you is once yuh making ah penetrating run down de right yuh tail know fuh sure yuh go get skate tackle. Steve David was meh coach den nah and he tell meh fadder bout meh folly how ah constantly trying tuh bruk man foot well meh faddah and meh muddah warn meh. So next Saturday at training ah cyar look soft ah have tuh keep meh tough outlook.. hey ah was de smallest and youngest of de four big defenders.... so one dude name Dean ( ah tink he play on P/Town intercal winning side) on ah counter attack come blazing down de right. Ah still had de CM and LM behind meh but ah ain't even tink, one level wet and he jump so ah bearly get him but he did and great acting job and de ref ain't even warn meh automatic red card... imagine i about 10 - 11 years getting ejected from ah under 14 match ... straight dressing room... ah ain't know who tell meh fadder but he warn meh but meh muddah find out too ah ah get meh tail blaze ... Jack dat shit hurt
De nex week de coach put meh back down with de Under 10's dread ah shame... after dat ah start skating man wid sense yes.
