Supa. I not on dem cyberspace badman antics u on. I making de point that de man have ample time to bring in other income. Players does read this board too, and dis discussion cyah be good for a player to read if is he salary we talking about. all de ting bout pulling bull in Brooklyn is ole talk i looking for. As for u and all yuh cuss and whatever, yuh talking bout a world yuh know nutten about. Granted, de reason for a forum is for man to talk and issue dey opinion, all of a sudden u decide a man cyah make a post u doh like? Nutten personal with u, but i doh live so fadda. Ease off and give mih some ole talk, but dat cuss and rant badman ting making yuh look chupid youth. Anyway, i work with dem professional teams and ah talking cause ah know, but next time, fadda supa, ah will ask yuh permission to talk a lil shit . Until next time, peace
Saturday is not ah good day fuh meh tuh post, ah does be 2 busy, but just fuh Fantastic ah go make de time, yeah ah must. Another one of yuh s**t post again, ah wonder if yuh have any friends on de forum, may be dey might send yuh ah pm, and tell yuh shut up, yuh making yuh self ah real official clown on de forum. Alright, let we start wid de cyberspace thing, ah doh want tuh be saying 2 much on de forum. Ah have ah invitation fuh yuh, how much men yuh know go give out dey address on de forum, well ah have it like dat, look on mey avatar, dat is wey ah living, good,(1) take de I95 to Hollywood blvd, go east straight tuh de beaches, yuh go find Supa and 2 of de Enterprise living in different homes in dat area, please come and visit de de cyberspace men....(2)Ah was going and send yuh tuh de Opa-locka area, tuh vistit de rest of de cyberspace men, but ah wouldn't waste meh time wid directions, cuz ah know yuh not going in dey, even if dey give yuh early retirement money (3) Yuh go find we back stage fuh de big show in Miami on 5/27 (De best ah de best) if yuh come, while yuh dey, ah go introduce yuh tuh 2 well known gentlemen (Bounty and Movado) ah doh know, yuh might call dem cberspace badmen 2
. Yow, just fuh de records, we doh come here tuh preach no badman thing or show off, I is ah man wid ah wife, ah youth, parents, brother and sister, dat ah does look out for, I does live ah cool laid back and enjoyable life. We just here tuh respect people, and get entertainment like everybody else, is only when ah boi dis, we have tuh step up and let him know what time it is. Any way doh forget let meh know, which offer suit yuh appetite.
Another thing we have access tuh all members past post, pull up mine and yuh will realise dat ah does deal wid pure love and respect fuh de members here, again is only when all yuh come at meh de wrong way, ah does get KROSS and WICKED. You is not de only one ah get KROSS wid here, ah couple others were dealt wid, cuz dey did de same damn thing cross de line. Some people here, all yuh think cuz all yuh was or is a coach, player, or worked for some top sport administration, all yuh feel it is okay tuh talk down tuh some ah de members here wid disrespect, f**k no. If dey want tuh have it, dat is okay, but not Supa & De Enterprise. I was brought up tuh love and respect people, when dat is broken, yuh go see de other side ah meh, simple as dat. Fantastic, look how yuh not making any sense, go back check de thread out properly, and den look in de mirror, yuh really making yuh self ah big fool. Yuh telling we dat de man have ah lot of time tuh do something on de side, what does dat have to do wid de man service he give on de field tuh his club, and de paycheck he should be getting in return? If Scott want tuh go Shell gas station, Wall Mart, etc tuh get ah extra dollar, dat have nothing tuh do wid de $31,500.00 dey paying him. Yuh telling we about, what he cud do on de side, come on think. Yuh doh like de discussion about Scott's pay, be ah real man like Supa, and send ah respectable post tuh de member dat start de thread, ah guess yuh scared right?
HIGHLY BLESSED.Go Miami HeatChicago, what yuh gonna do when Miami come for u?