Author Topic: Rookmin Maharaj (Read 3864 times)

Dutty · « **on:** July 25, 2006, 02:24:46 PM »

What is sham mohammed middle name??

Who was de first winner of Pick-a-pan??

What kinda car sonny mann did drive??

Whey Chris Garcia does live?

If you cannot answer these very important cultural questions....give de people back dey name and finish up yuh blue food sandwich please

TriniCana · « **Reply #1 on:** July 25, 2006, 02:48:57 PM »

but what dey mammy neck i seeing boy..

ah know ya jealous cause ah come up with meh name before you and ya still wanna get revenge cause ah buss ya files in dey forum...but oh gorm man, spell out meh whole name nah. steups

just to answer ya queste-ons

Sham Rafi Mohammed ya know he was ah lawyer too right ?
Furst winner ah pick-a-pan was Polly Jaikaran
What ever car he use to drive ah never see it cause he always pass meh like ah full bus
Chris Garicia use to live in St Augustine, me ain't know where long hair living dese days.

Pasdah Beatz · « **Reply #2 on:** July 27, 2006, 10:07:45 AM »

Cana ah didn't know dat yuh know well done

TriniCana · « **Reply #3 on:** July 27, 2006, 01:13:26 PM »

Dutty ain't know who he dealing with nah

grskywalker · « **Reply #4 on:** July 27, 2006, 01:23:57 PM »

De man know who the first Pick A Pan winner was oohhh goooode!, Dutty ah sure yuh wasn't expecting that

TriniCana · « **Reply #5 on:** July 27, 2006, 01:26:07 PM »

Quote from: grskywalker on July 27, 2006, 01:23:57 PM

De man know who the first Pick A Pan winner was oohhh goooode!, Dutty ah sure yuh wasn't expecting that

Man ? where ?

Rooks aka TriniCana aka Muff Puff <---------------Oman

pecan · « **Reply #6 on:** July 27, 2006, 01:27:03 PM »

Quote from: Rookmin Vadwatie Soohkoo Maharaj on July 27, 2006, 01:26:07 PM

Quote from: grskywalker on July 27, 2006, 01:23:57 PM
De man know who the first Pick A Pan winner was oohhh goooode!, Dutty ah sure yuh wasn't expecting that

Man ? where ?

Rooks aka TriniCana aka Muff Puff <---------------Oman

he jus mis the "o".

grskywalker · « **Reply #7 on:** July 27, 2006, 01:44:39 PM »

oops my mistake, it was more of an expression than gender correct

Dutty · « **Reply #8 on:** July 27, 2006, 02:16:46 PM »

Quote from: grskywalker on July 27, 2006, 01:23:57 PM

De man know who the first Pick A Pan winner was oohhh goooode!, Dutty ah sure yuh wasn't expecting that

Steupps...doh leh she gas up yuh head

de first pick a pan winner was Pauline Jairam in 1978

she eh know what sonny use to drive

dat mean two question right.outta four...dais dougla territory

Change yuh name to reflect

..change it to Buelah Ali or someting

grskywalker · « **Reply #9 on:** July 27, 2006, 02:20:09 PM »

I'll sit back and watch this play out. While you are at it, does anyone know who were the winners of the first PARTY TIME competition at UPPER LEVEL. Wendel Constantine used to host it in the earlies.

TriniCana · « **Reply #10 on:** July 27, 2006, 02:52:02 PM »

Quote from: Dutty on July 27, 2006, 02:16:46 PM

Quote from: grskywalker on July 27, 2006, 01:23:57 PM
De man know who the first Pick A Pan winner was oohhh goooode!, Dutty ah sure yuh wasn't expecting that

Steupps...doh leh she gas up yuh head

de first pick a pan winner was Pauline Jairam in 1978

she eh know what sonny use to drive

dat mean two question right.outta four...dais dougla territory

Change yuh name to reflect

..change it to Buelah Ali or someting

look i ain't going and debate this with ya....ah sticking to Dolly
If sonny didn't use to give meh ah drop out dey road, why worry what car he driving ?

Change ya name to Assahlam nah
Duttiness ya in Bana dis weekend ?

Dutty · « **Reply #11 on:** July 27, 2006, 05:04:50 PM »

eh??

dis weekend??

I tie up or wha? ent caribana and de sweat is caribana weekend self???

I goin cleveland dis weekend................ah goin an check TI and organic 'beggin for money' thread

fishs · « **Reply #12 on:** July 28, 2006, 10:18:51 PM »

Help mih here Cana ....
Ah always used tuh put name like Rookmin with darkie indian an Maharaj wid the fairer type.
So ROOKMIN MAHARAJ is ah dougla indian dat not mixed ?

TriniCana · « **Reply #13 on:** July 29, 2006, 05:30:37 PM »

Quote from: fishs on July 28, 2006, 10:18:51 PM

Help mih here Cana ....
Ah always used tuh put name like Rookmin with darkie indian an Maharaj wid the fairer type.
So ROOKMIN MAHARAJ is ah dougla indian dat not mixed ?

Lawd Fishs you reach yes...take dey win
dat is correct iz ah dougla mix indian with african and before dey week done ah little chineessss in meh blood

ah just come back from burlington.....oh lord FAMILY reach fur bana yes. I ain't go lie but ah have some real good looking cousins on meh fadda side yes. Dem on meh mudda side well lets just say, dey better looking in dey dark. Organic go be proud cause ah start to ask one seta question like how far down dey line dem boys is meh cousins. One ah dem is like 4th generation cousin....so ya know wha happening eh

pecan ah see 4 ballon in dey sky when i coming down oxford street, and den lightening...ya ever see balloon come down fast ?
well dem balloon man know dey sh*t yes...

anways ah going and sleep....

lickslikefire · « **Reply #14 on:** July 30, 2006, 10:31:45 AM »

Quote from: Rookmin Vadwatie Soohkoo Maharaj on July 29, 2006, 05:30:37 PM

Quote from: fishs on July 28, 2006, 10:18:51 PM

Help mih here Cana ....
Ah always used tuh put name like Rookmin with darkie indian an Maharaj wid the fairer type.
So ROOKMIN MAHARAJ is ah dougla indian dat not mixed ?

Lawd Fishs you reach yes...take dey win
dat is correct iz ah dougla mix indian with african and before dey week done ah little chineessss in meh blood

ah just come back from burlington.....oh lord FAMILY reach fur bana yes. I ain't go lie but ah have some real good looking cousins on meh fadda side yes. Dem on meh mudda side well lets just say, dey better looking in dey dark. Organic go be proud cause ah start to ask one seta question like how far down dey line dem boys is meh cousins. One ah dem is like 4th generation cousin....so ya know wha happening eh
pecan ah see 4 ballon in dey sky when i coming down oxford street, and den lightening...ya ever see balloon come down fast ?
well dem balloon man know dey sh*t yes...

anways ah going and sleep....

what de mudda neck.....you part syrian too

Dutty · « **Reply #15 on:** July 31, 2006, 08:47:25 AM »

Look like rookmin muffpuff get anudder poor victim

she did say she was in de burlington area on de weekend right?

http://www.thestar.com/NASApp/cs/ContentServer?pagename=thestar/Layout/Article_Type1&c=Article&pubid=968163964505&cid=1154340178006&col=968705899037&call_page=TS_News&call_pageid=968332188492&call_pagepath=News/News

boy when ah soucoyant in ah hot shorts get yuh....is real trouble in yuh life oui

Organic · « **Reply #16 on:** July 31, 2006, 10:16:19 AM »

Quote from: Dutty on July 31, 2006, 08:47:25 AM

Look like rookmin muffpuff get anudder poor victim

she did say she was in de burlington area on de weekend right?

http://www.thestar.com/NASApp/cs/ContentServer?pagename=thestar/Layout/Article_Type1&c=Article&pubid=968163964505&cid=1154340178006&col=968705899037&call_page=TS_News&call_pageid=968332188492&call_pagepath=News/News

boy when ah soucoyant in ah hot shorts get yuh....is real trouble in yuh life oui

lord like i have to believe all she sending man to st anns story
i sorry eh rookie...i real sorry. is a good thing i eh go end up so yes.keeping meh distance. DUTTY U AND PECAN GO BRAVE. I go take pics when allyuh streaking de 401 and 403

TriniCana · « **Reply #17 on:** July 31, 2006, 11:20:15 AM »

Quote from: Dutty on July 31, 2006, 08:47:25 AM

Look like rookmin muffpuff get anudder poor victim

she did say she was in de burlington area on de weekend right?

http://www.thestar.com/NASApp/cs/ContentServer?pagename=thestar/Layout/Article_Type1&c=Article&pubid=968163964505&cid=1154340178006&col=968705899037&call_page=TS_News&call_pageid=968332188492&call_pagepath=News/News

boy when ah soucoyant in ah hot shorts get yuh....is real trouble in yuh life oui

<pulls out she black and white strip book>
victim # 23
ya know allyuh ah did tell joanne dey staff reporter ah try and ask dem police and dem to help dem out cause ah know dey cause of dey situation
one pow pow tell meh nahhhhhhhhhhhhhhhh we go handle he stories
so ah back out.....
steups all ah hadda do was show he meh left thigh and he woulda calm down and come quietly and quickly and not take half day tur get catch.

anyways ah eye ah pow pow with bumSEE....lemme see if meh reeellll good

TriniCana · « **Reply #18 on:** July 31, 2006, 11:22:37 AM »

Quote from: lickslikefire on July 30, 2006, 10:31:45 AM

Quote from: Rookmin Vadwatie Soohkoo Maharaj on July 29, 2006, 05:30:37 PM
Quote from: fishs on July 28, 2006, 10:18:51 PM

Help mih here Cana ....
Ah always used tuh put name like Rookmin with darkie indian an Maharaj wid the fairer type.
So ROOKMIN MAHARAJ is ah dougla indian dat not mixed ?

Lawd Fishs you reach yes...take dey win
dat is correct iz ah dougla mix indian with african and before dey week done ah little chineessss in meh blood

ah just come back from burlington.....oh lord FAMILY reach fur bana yes. I ain't go lie but ah have some real good looking cousins on meh fadda side yes. Dem on meh mudda side well lets just say, dey better looking in dey dark. Organic go be proud cause ah start to ask one seta question like how far down dey line dem boys is meh cousins. One ah dem is like 4th generation cousin....so ya know wha happening eh
pecan ah see 4 ballon in dey sky when i coming down oxford street, and den lightening...ya ever see balloon come down fast ?
well dem balloon man know dey sh*t yes...

anways ah going and sleep....
what de mudda neck.....you part syrian too

NO i ain't have long hairy arm pits.....

lemme let ya know one time, 4th generation cousin is like stranger to me...so i safe and going brave
if dem cyah tell meh who is meh great grand mudda...dem is stranger

pecan · « **Reply #19 on:** July 31, 2006, 02:44:47 PM »

Rookie, ah risk meh life on Saturday at the Viet/Thai rest at the corner of York andf Ridout.

I approach dis cute woman who was with a Chinee boy and I psyche up meh self to ask she if she named Cana. She look me up and down and want to know why I so fass. Ah say you remind me of somebody but i was wrong. Ah sorry. Den she realize ah not dangerous an she start to chat meh up and ting. Guess what ..she from JA.

So Rookie, ah now have a angle and a opening line to use. Ah tell dem dey remind me of a gyal named Cana. Ah go see where it leads.

An doh worry - -meh wife know my every move.

I wont be in town when you go up in dat leaky ballon... i eh wnat some crazy lady jumpin out with out a prachute and dropping on me head.

TriniCana · « **Reply #20 on:** July 31, 2006, 06:56:38 PM »

Quote from: pecan on July 31, 2006, 02:44:47 PM

Rookie, ah risk meh life on Saturday at the Viet/Thai rest at the corner of York andf Ridout.

I approach dis cute woman who was with a Chinee boy and I psyche up meh self to ask she if she named Cana. She look me up and down and want to know why I so fass. Ah say you remind me of somebody but i was wrong. Ah sorry. Den she realize ah not dangerous an she start to chat meh up and ting. Guess what ..she from JA.

So Rookie, ah now have a angle and a opening line to use. Ah tell dem dey remind me of a gyal named Cana. Ah go see where it leads.

An doh worry - -meh wife know my every move.

I wont be in town when you go up in dat leaky ballon... i eh wnat some crazy lady jumpin out with out a prachute and dropping on me head.

well look ting...well at least she cute yes.

Hear nah wha car ya driving...cause ah find since after world cup it have alot ah people with TNT flag still in dey car
I have ah little TNT flag on meh antenna...and is one seta horn ah getting from dem other trinis, as if dem know me fur years.
ah getting fedup, cause when ah doh toot back dem does look vex. steups

pecan · « **Reply #21 on:** July 31, 2006, 07:25:06 PM »

wen ah working ... black mazda 5 (listen for Soca)
weh ah taxing fe family ... white pontiac transport (de stereo not wuking)

no flag flying doh.

fishs · « **Reply #22 on:** August 01, 2006, 01:39:07 AM »

Quote from: pecan on July 31, 2006, 07:25:06 PM

wen ah working ... black mazda 5 (listen for Soca)
weh ah taxing fe family ... white pontiac transport (de stereo not wuking)

no flag flying doh.

Wha happen pardner ? How yuh treating de family soo ?.
Fix de damn stereo fuh dem or buy ah new one.

Dey mus be real quiet in dat car boy. Ah stereo was de only ting dat used to shut dem up wen I had a traveling circus. ex wife, two pickney , dog, at least one lizard

pecan · « **Reply #23 on:** August 01, 2006, 12:14:05 PM »

Quote from: fishs on August 01, 2006, 01:39:07 AM

Quote from: pecan on July 31, 2006, 07:25:06 PM
wen ah working ... black mazda 5 (listen for Soca)
weh ah taxing fe family ... white pontiac transport (de stereo not wuking)

no flag flying doh.

Wha happen pardner ? How yuh treating de family soo ?.
Fix de damn stereo fuh dem or buy ah new one.

Dey mus be real quiet in dat car boy. Ah stereo was de only ting dat used to shut dem up wen I had a traveling circus. ex wife, two pickney , dog, at least one lizard

well ... the speakers kinda working ... it goh fix when I replace the old car.