General > Jack of All Trades (DIY)

Ah had to 'share' dis

(1/9) > >>

Dutty:
So las November ah help mih pardner (not ah trini,but he know lil bit bout we aka he REAL like roti) move into his first house...nice roomy semi
Man sweat and grunt with furniture and tables...bat some carib and leave he dey

Over the course of the months everytime ah call dis man to lime....he  givin mih ah 6 for ah 9 (keep in mind he is ah REAL limer eh?)

ah call de man
" woi leh we hit dat function"
he say " naaah ah workin on de house"

"oi lewwe go kayaking on de grand again nah"
he say " naah boy cyah make it ah workin on de house

"ay boy trinidad playin england leh we hit ah bar nah"
he say " naah boy ah workin on de house boy"

This goin on for months...after awhile ah take de hint...ah say well he movin left or he woman put on de iron panty on him fuh sure..AHWELL,,.so it go  :-\


Couple weeks ago de man call mih and say "pass troo and lime nah" ah went...walk in de house and de place lookin de SAME way like when we move him from de apartment...
still ha boxes to unpack
ah say "so whey all dis wukk you do inde last few months"???...he say downstairs....ah gorne dong in de basement...well people  :o :o :o..IF you see de wukk da man do BY HESELF in de last few monts

de upstairs eh event paint yet self....but check downstairs..............






WAIT WAIT WAIT...ah save de best for last

If allyuh was  ah games world junkie in long circualr and west mall like me...den ANY game it had dey..on dis ting

Pong, asteroids, donkey kong, defender, stargate, q-bert etc etc etc etc etc etc etc...ALLL here



I does cyah stay be he for too long nah...cause one day ah GO NEVER go home...EVAH!!

palos:
Breds.....nuff woman see dat and start to tink one time bout puttin he in house wee.

Daz some serious wuk went dong dey.  I and all lookin to hire he.

RasIred:
Wey Dutty.................yuuh boy do up he basement REALLLLLLLLLLLLLLLL nice. That looking badddddddddddddddd, I woulda never leave he house /basement ..........nice nice

ndookie:
duttttttyyyyyyyy , i wish i had friends like that..

He have a wife ?

Nah , I doh believe that..

Thas my dream now...I want my basement like that when i old..

Quags:
Dutty you go kayaking ,cool.

Navigation

[0] Message Index

[#] Next page