1 - 1 day to season opener and Man Boo eh sign a soul yet. Dis from a side who used to light up de transfer market as soon as season done. Dey eh win a ting 2 years ago, win a cobo FA Cup las season, eh even make CL knockout stage, Van Nistelroy gone, all kinda Juventus, Parma & Lazio players available, more importanly, dey rivals in EPL UPGRADE deyself, and NUTTING? Now dey sayin dey eh go overpay fuh nobody and lookin to bring talent from dey home grown players. WHA FLIKKIN TALENT???!!!!
Smallie...Truthseeker...JDB....normally allyuh does be talkin big big all now bout how allyuh goin and do dis and dat and how much trophy dey winnin....and allyuh quiet like mouse.
Whaz dah one Fergie?2 - T&T went WC Finals and everybody (includin me) expeckin to see we players gettin sign in a rage after WC. At least 1 or 2 fuh EPL clubs....especially we captain & Carlos Edwards. Up to now...NOT A SINGLE ONE A WE PLAYERS IN EPL!!!
Whaz dah one?3 - TD (or former TD or suspended TD..me eh know wha status he have now) Lincoln Phillips in de doghouse wit de TTFF apparently fuh havin a plan dat make sense. De usual suspecks up to dey shenanigans again.
Whaz dah one TTFF?4 - Latas only get 20 minutes playin time in 3 whole games in de WC.
Whaz dah one Beenie? Dah was fuh u whayuhsay...
5 - Finally.....TI is dis super Trini. De man doh business wit nutting foreign. He know everybody in de ghetto and runnin wit Hardest and he crew and dem. He only lissenin to calypso, chutney and SOME soca. He compose and sing a Soca Warriors tune. De man is a hard core Trini.
YET
He have Ronaldinho as he avatar.
WHAZ DAH ONE TI!!!!!