ok some ah allyuh ain't getting meh point, so ah go leave it
but i go say dis
Dey world ain't safe yes i agree...not even in we little London pecan, we safe. London has exactly 400,321 people in it (pecan ya could check dey sign by dey exit ah dey 401)
. We in September already. Only 7 murders fur dey year already. We only problem is dem young bird and dem driving mad at midnight and ya hear bout dey death dey next morning.
ya could be minding ya business in ya living room watching TV and some stray bullet find ya.
ya could be driving home minding ya business again and if ya ain't have dey extra 2000$ to buy ah electronic gate, you hadda come out ya car to open it...dey hook ya up righ dey. both instances yas is dey innocent victim.
In other instances: as dey saying goes "live by dey sword, die by one" - dat speaks for itself.
Granted there are some women who play dey ass with their lives....like jumpin in ah taxi with 3 men in it, leavin dey house by dey self all hour in dey night, or hopping ah ride from ah stranger....
Ah hear allyuh loud and clear and ah agree 140%but my bottom line is (dutty leave it) if I have a choice of either walking outside at 9 pm to go tur dey store to buy ah piece ah bread in London or anywhere in Trinidad and Tobago...I will feel safer in London...why ? could it be dat dey London pow pow and dem doh make joke, is it ah different breed ah people, dey Mayor put she foot down on crime. Could it be all 3 ? I doh know, but something working over here and I know meh tax dollars doing something.
I could put meh head on ah block and say NO house in London have burglar proofing. Dey only way ya go know ah person from dey Caribbean living in dat house is if ya see an fence and dey house lock up like ah prison.
and i go say it again....notice me ain't say Canada I saying London ON..run by ah woman mayor
