so lemme give allyuh ah episode nah
dese ah dey times when ya forget ya in anonder man's country eh
ah siddown outside yesterday evening takin in dey coolness (needed someting tur cool down dey hot blood nah) mindin meh business and readin O mag.
aye aye jus so ah black cat appear and stand up in dey middle ah dey road. Now everybody who know meh and who ain't know meh know I doh like cyat
. For some strange reason cyah is evil and dey goes bring back luck.
Ah stare down dey cyat, it stare me down....like it was ah showdown in dey junction.
Ah putdown meh magazine and same time meh eye focus on ah cinder block not too far from where ah was sitting.
Ya know by dey time meh meh right eye lookin at dey spot to putdown dey mag and meh left eye take focus on dey block, pick it up tur aim at dey cyat, by dey time ah look at dey cyat it gone...
Ah stand up look round dey place...no cyat. Ah walk out tur dey road...no cyat. Den ah remember Black ass Friday
Races inside dey house and call meh mudda tur tell she tur say ah extra decade fur meh cause ah see ah cyat and it disapper just so. After 3 bad cuss from she, cause ah must be wake she up from ah sleep...she decide she go do ah novena fur meh instead.
Goin ah play ah quick pick dis evening
dey end
Mr De Rat doh tink ah forget ya call meh ugly eh.
lemme jus gather meh words properly.
