PECAN !!!!
but wha dey jail is dis....
ah still digesting dis ting here at 11:10 pm
hmmm ah get meh doubles...more like doub, cause dey les still somewhere behind god back.
ah tell dey oman behind dey bar ting...gimme 6 with extra pepper tur go. Like ah was talking spanish with ah canadian accent
cause ah still looking fur dey pepper....so ya know ah vex dey already.
when she pull out dey piece ah paper and she put it in dey palm ah she hand, ah say tur mehself like she know she shit...so ah say ahh memories. When she open dey pot is steam dat rise ah say yes man. When she pull out dey spoon, one blasted tea spoon she dishing out channa with. So hear meh nah "ummm tur go today eh" she watch meh yes...
anyhow she put some kinda sweet sauce in it and throw something else...furst time me ever see dem ting, dat ah say tur meh self, like ah sitting on dey throne tur night. But ah so anixous dat meh mouth watering and meh mind running as to what short cut tur take to get home faster.
Talk bout disappointment...well not so much cause meh mind telling dey rest ah meh body dat it eating doubles. Dey Carib wash it down good. Ah still have 4 in meh fridge cause ah full. Meh belly ain't start to tun round yet, so it look like ah go make it tur bed.
No taste, dey bara kinda hardish, and no taste. Like ah was so lookin forward tur ah UWI or Sauce doubles dat ah forget I in another man's land.
. Anyway ah eat 2.
Again pecan luv...thanks for dey direction and information and to meh frien' fishs, doh think i go forget dat doubles in Trinidad eh
