ode to de red women - calypso competition

[socachatter]

seein dat is carnival i find we need to have a lil calypso competition up in dis place!  so fellas i issue de challenge - 4 verses and a chorus on the stated subject. 

the judging panel is de outta de closet red women in de forum.  although ah feel that coco should be alowed to enter cause she could write lil poetry an ting.     ladies! what is de prize fuh de winner?  ah feel de ladies should be able to write yuh know cause ah tinkin macomeh could bun all ah allyuh.  ladies what allyuh tink? 

an yuh could do collaborations too eh.  maybe it should be extempo?  lemme hear allyuh 

[pecan]

Ok

Lemme put on meh composing hat ...

later

[TriniCana]

I judging cause me ain't have dey talents ah dey Queen and Cococrispy.
If it was ah dancing/swing meh waist competition...well i in dat

Standards for Performance Adjudication
Points per Judge = OUTTA 10

Clean
Originality
The words RED and WOMAN must be included in dey song.
No obsence language _{(we have ah poet)}

See we making it easy
Prizes go be announce some time later

[Dutty]

(sung to the tune of sparrows "Jean and Dinah")


sweet rosemary, always cookin stew chicken and bhaji
always makin sometin,, de lady pot just bubbliiiiin
people want to know-oh, how she hand get sweet so-oh

Chorus:
beleve it or not,
look in de kitchen and see mary squat over de pot

way dong in grande, de lady reputation precede she
in tacarigua, dey talk bout de red woman makin sahina
people from near de pitch lake say yuh mus try she fry bake

Chorus:
beleve it or not,
look in de kitchen and see mary squat over de pot

everybody know-oh, rosemary han sweet fih so-oh
all kinda mook, went in town and buy she cookbook
she could make any dish, and man does kill fuh she saltfish

Chorus:
beleve it or not,
look in de kitchen an see mary squat over de pot

when she makin po-ne, she insist she do it alo-ne
woman declarin war, when mary start sellin take out door-to door
she sell soup in a cup, and men lickin de las drop

Ch:
beleve it or not,
look in de kitchen and see mary squat over de pot




 

[TriniCana]

oh god
 tears falling on meh keyboard
ah cyah type..Dutty ah go get back to ya

[cocoapanyol]

Oh gorm..I now seein dis late at night and I jes about tuh go een meh bed. 

Well ah go sleep on dis one eh an come back tuhmorrow and see what ah could do.

Wha is de prize?  If have any?  or is jes braggin rights and ting.  Meh eh know if ah could competed wid Queen yuh know.  But anyhooooooo

[WestCoast]

Original lyrics.

ADDENDUM: Tuesday Night:

Allya if you see ting
Man all over start to scatter
an start Pounding day keyboard
To come up wid ah tune for Socachatter

And 'Omen chanting
“we are de Red 'Omen of de Warrior Nation and is up in North
we goin and fete for de carnival, an who vex....froth!


Well first out of the starting gate was 
A fella named Dutty who start to sing bout sweat Rice
stew chicken, bhaji, sahina, pone an soup
An How Mary does make all kinda a ting real nice

And 'Omen chanting
“we are de Red 'Omen of de Warrior Nation and is up in North
we goin and fete for de carnival, an who vex....froth!

next ting is a set a choon coming
from far and wide day writing
talent like peas, refreshin like ah breeze
to hear all dese people singing

And 'Omen chanting
“we are de Red 'Omen of de Warrior Nation and is up in North
we goin and fete for de carnival, an who vex....froth!

yes yes is ode to de bess so day kno
every manjack want to tell bout they adventures
how day did dis and dat and
even mention ah red ting from blue ventures

And 'Omen chanting
“we are de Red 'Omen of de Warrior Nation and is up in North
we goin and fete for de carnival, an who vex....froth!
 

[pecan]

Dutty and WC out in front wid dey chunes..

[socachatter]

oh gorm!  chunes boys...CHUNES!!!!!!!!!     allyuh make meh day today!  dutty yuh solid, yuh real solid with dat one but i eh go lie WC use meh name so right now he meh sentimental favourite.  but ah will try not let the sentiment play in the final judging.  sista mary, coco - we boys getting orn!  whey queen in all ah dis? 

[cocoapanyol]

oh gorm!  chunes boys...CHUNES!!!!!!!!!     allyuh make meh day today!  dutty yuh solid, yuh real solid with dat one but i eh go lie WC use meh name so right now he meh sentimental favourite.  but ah will try not let the sentiment play in the final judging.  sista mary, coco - we boys getting orn!  whey queen in all ah dis? 

Hear dis nah..writing chune eh easy nah! props tuh dem fellas who done throw dong two chunes dey.  Ah still struggling here.  Nobody eh piss meh orf lately and no man eh make meh heart skip no beat.  So de juices eh flowin right now.

When de competition closin anyway. How much time ah have.

[socachatter]

Hear dis nah..writing chune eh easy nah! props tuh dem fellas who done throw dong two chunes dey.  Ah still struggling here.  Nobody eh piss meh orf lately and no man eh make meh heart skip no beat.  So de juices eh flowin right now.

When de competition closin anyway. How much time ah have.

good question?  hmmm...i say the results should be announced on carnival friday.  so the final submissions should be a week before to gvie the panel a week to deliberate.  doh worry girl... somebody bong tuh rile yuh before then.   

[cocoapanyol]

Hear dis nah..writing chune eh easy nah! props tuh dem fellas who done throw dong two chunes dey.  Ah still struggling here.  Nobody eh piss meh orf lately and no man eh make meh heart skip no beat.  So de juices eh flowin right now.

When de competition closin anyway. How much time ah have.

good question?  hmmm...i say the results should be announced on carnival friday.  so the final submissions should be a week before to gvie the panel a week to deliberate.  doh worry girl... somebody bong tuh rile yuh before then.   

  

[cocoapanyol]

Red Woman on de Forum

We limin wid de Warriors
We passing picong and ting
Information flowing left and right
It have man here who could even sing

Cana and Chatter dey pullin up de rear
If yuh mess wid Cana any time
She go give yuh she famous <stare>

Chorus:

Red Woman on de Forum
Doh argue, we is de boss
If anybody mess wid we
Dey go struggle and dey go lorse

When we want tuh get ah laugh
De joke section it dey fuh we
We read de latest commess
And post we commentary

Ah doh know why more woman
Doh come and join de group
We have all kinda information
And who een and out de loop

Chorus:

Red Woman on de Forum
Do argue, we is de boss
If anybody mess wid we
Dey go struggle and de go lorse

[TriniCana]

oh gorm!  chunes boys...CHUNES!!!!!!!!!     allyuh make meh day today!  dutty yuh solid, yuh real solid with dat one but i eh go lie WC use meh name so right now he meh sentimental favourite.  but ah will try not let the sentiment play in the final judging.  sista mary, coco - we boys getting orn!  whey queen in all ah dis? 

Hear dis nah..writing chune eh easy nah! props tuh dem fellas who done throw dong two chunes dey.  Ah still struggling here.  Nobody eh piss meh orf lately and no man eh make meh heart skip no beat.  So de juices eh flowin right now

When de competition closin anyway. How much time ah have.

  oh oh oh oh god oh god
lemme see if ah could piss ya off little bit....umm wait lemme get meh words properly
wha bout Carnival Friday tur close dis ting.. ?
It go be SW Monarch Championships (SWMC)

ah was thinking bout dem prizes.
we hadda come reel good...
we hadda have discussion behind close doors wid ah couple ah drinks.

coco ah coming back eh

[WestCoast]

ah was thinking bout dem prizes.
we hadda come reel good...
we hadda have discussion behind close doors wid ah couple ah drinks.
coco ah coming back eh

if dere is anyting I could do to make the judges job less stressfull
Caribs
Candles
rose pettles on yer bed
Massages
Hot baths

Just say the WORD
and it will be done

[socachatter]

yeah yeah! de Soca Warrior Monarch.  cool.  yeah we hadda come good with prizes gurl.  wha de armen?  

WC - yuh offering massages and hot baths fuh we while we tinkin?  wait!  is bribe going orn up in dis place? 

[WestCoast]

bribe
I dont know the meaning of dat word how could you think dat

It is going to be a VERY hard job
and allya REAL hard wukkin judges need to be helped out in any way possible in making your desicion

[cocoapanyol]

WestCoast...yuh eh easy nah!! 

[pecan]

to clear de air ..I plagiarize most ah de lyrics .

and de chune is not even a kaiso ..

but i though it mite be appropriate

Red Woman Wine - sung to de tune of Red Red Wine (UB40 version - not Neil Diamond)

Red woman wine
Go pelt yuh waist
Make me forget that i
Still need her so

Red woman wine
It’s up to you
To throw yuh wine
On meh behind
for meh forget

I’d have thought
That yuh wine
would erase she
from me mind
I was right
And I find
yuh body does make me forget

Red woman wine
press close to me
Use allyuh charms
An yuh smile
An wine to de ground

---red woman wine rap section---

Red red woman you make me feel so fine
You keep me rocking all of the time

Red red woman you make me feel so grand
I feel a million dollars when your just in my hand

Red red woman you make me feel so sad
Any time I see you go it makes me feel bad

Red red woman you really know how fi love
Your kind of loving like a blessing from above?

Red red woman i`m gonna hold to you
Hold on to you cause I know you love true

Red red woman I’m gonna love you till I die
Love you till I die and that’s no lie
 
Red red woman I love you right from the start
Right from the start with all of my heart

[socachatter]

NAH!!!! ALLYUH SWEET FUH DAYS! 

P - yuh come good.  creative, heavy useage of the words red and woman, you took direction well and created a proper 'ode'.  not to inject politics into the situation but right now the judging panel is undecided on the use of samples in songs and whether then is a true original creation.      it is heavily dependent on whether the mix has enough of a soca beat.

WCT - yuh workin had boy!  A++ for effort.  yuh remixing and re-working and not allowing the competition to get the better of yuh.  original lyrics, excellent suck up with the use of the name Socachatter, the panel and forum however will not be corrupted by bribes of massages and hot baths.  we are willing to accept them but it will not influence the outcome of the competition.   

Dutty - yours was the first submission and truly set the bar for the rest.  it has the proper and expected dose of duttiness, which is truly appreciated.  true true sparrow derivative.     

Coco - well done!  yuh properly speak fuh we cause on de forum.     but you is part of de judging panel so yuh could only get honourable mention. 

so far - a truly impressive display of creativity.   

Judges note to self:
watch out fuh WTC - he cantankerous and clearly did not get enough licks as a yout. 

[cocoapanyol]

[quote

Coco - well done!  yuh properly speak fuh we cause on de forum.     but you is part of de judging panel so yuh could only get honourable mention. 

But wait...yuh mean after ah buss meh brains tuh come up wid dat, yuh tell meh ah not in de running an ah is ah judge?  Hmm...OK den.  Well ah go take meh honourable mention because is not often anybody does call meh honourable on dis forum!!   

an since ah is ah judge..ah better go back an re-read de bribes dat WC offerin.  Ah suddenly feeling ah lil crick in meh neck!!

[Queen Macoomeh]

ah might be able to come wid one later today. De Competition still open?

[WestCoast]

"Well yes. Ah reach whey I was going oui. Who sen’ me boy? Once upon a time ah could party whole weekend and still get up to go to work come Monday morning but oh gooode! Nah! Ah have to ease back. When ah wake up de nex’ morning, meh eye seeing dark, meh head look like ah was in a fight wid two white fowl, meh lef’ foot lancing meh and meh coccyx dislodge."
ya see after all ah dat you could do wid eeeddda ah Massage or ah Hot bath

[cocoapanyol]

"Well yes. Ah reach whey I was going oui. Who sen’ me boy? Once upon a time ah could party whole weekend and still get up to go to work come Monday morning but oh gooode! Nah! Ah have to ease back. When ah wake up de nex’ morning, meh eye seeing dark, meh head look like ah was in a fight wid two white fowl, meh lef’ foot lancing meh and meh coccyx dislodge."
ya see after all ah dat you could do wid eeeddda ah Massage or ah Hot bath

Oh hoh...... Is like yuh brakesing now.  Doh try dat yuh know!!

[cocoapanyol]

ah might be able to come wid one later today. De Competition still open?

Yeah Queen...throw dong some lyrics on dem girl.  Competition still open.  Till Carnival Friday..right Chatter?

[TriniCana]

Actually Coco and Queen allyuh in dey competition too.

SocaChatter and TriniCana (sexy assistant) are the official unbiased judges...

we not taking bribe
no cheesecake
no chocolate cake
no massage
and no drinks.
if anyone who continously offer these gifts will be disqualified. Now dat doh mean after dey competition ya ain't go do it eh.

Anyway dis afternoon when dey Judges speak to dey almighty we go announce dey PRIZE.
Is only ONE prize and 2nd and 3rd place allyuh go get BIG UP.

[WestCoast]

"we not taking bribe
no cheesecake (homemade or store bought?)
no chocolate cake (ditto)
no massage
and no drinks."

who vex....froth

[TriniCana]

"we not taking bribe
no cheesecake (homemade or store bought?)
no chocolate cake (ditto)
no massage
and no drinks."

who doh like it can Froth

no is who vex....froth
ah forget dat piece

[pecan]

Actually Coco and Queen allyuh in dey competition too.

SocaChatter and TriniCana (sexy assistant) are the official unbiased judges...

we not taking bribe
no cheesecake
no chocolate cake
no massage
and no drinks.
if anyone who continously offer these gifts will be disqualified. Now dat doh mean after dey competition ya ain't go do it eh.

Anyway dis afternoon when dey Judges speak to dey almighty we go announce dey PRIZE.
Is only ONE prize and 2nd and 3rd place allyuh go get BIG UP.

no bribe eh??

well de question i have is how much de judge go pay me to witdraw after my blatant sampling submission

I is take some of the above

cheesecak - I doh care for cheese cake
chocolate cake - ditto
no massage - dis I can handle
drinks - anytime

[TriniCana]

<stares>
interfere wid me today...

today is dey day ah go make front page ah dey london free press
jus now ah go behave like ah disgruntled employee in ah post office...


allyuh stay tuned for dey Prize announcement later.