Headline News

[Queen Macoomeh]

...latest tory from Commess University.

Headline News

oh gorm!
Ah fugget to akse de powers dat be if is alright fuh meh to be putting meh tory commess in here. Ah doh want de moderators to boof meh or get vex if ah taking liberty.
So please Mr. Moderator, ah not sure who is who here, but tell meh if yuh doh like dat eh? Ah would stop right away. Ah now meh place.

[TriniCana]

 
pampers girl yes...
ah still want to know if she fraid height that she didn't take ah plane ride..

[Dutty]

Wuh yuh need permission for...yuh eh see dey rush quick quick and gih yuh de kaiso prize before de votin done

yuh ha dem in yuh pocket gyirl



Nice article,,yuh tie in everyting real smood...but yuh fuhget out one mad woman

[TriniCana]

where is dat girl family and friends?
what she was planning to do with the car window - smash it with a plastic umbrella ?

as god make moses none of my friends would have any public display like dat....steups

[Queen Macoomeh]

I hear dat...unless is de friends providing de booze and ambrella..

[pecan]

 

[cocoapanyol]

where is dat girl family and friends?
what she was planning to do with the car window - smash it with a plastic umbrella ?

as god make moses none of my friends would have any public display like dat....steups

Is funny how when ting was going good wid she, how de fadder right up under she bamsee, de sister right dey too, de mudder eh far behind and now?  If my chile getting orn so, big as she might be, is two calpet in she head tuh straighten up yuh know.  Dat is when parents living orf dey children.  Real madness

[cocoapanyol]

...latest tory from Commess University.

Headline News

oh gorm!
Ah fugget to akse de powers dat be if is alright fuh meh to be putting meh tory commess in here. Ah doh want de moderators to boof meh or get vex if ah taking liberty.
So please Mr. Moderator, ah not sure who is who here, but tell meh if yuh doh like dat eh? Ah would stop right away. Ah now meh place.

Girl Queen, yuh touch on some serious points dey in dat article.  I mehself always wondering bout dem people who does go climbing mountain in ridiculous wedder, get dey self lorse and den chopper and tout baghi have tuh come out tuh look fuh dem.  I fine dey should sign someting dat say when yuh go up, we not coming looking fuh yuh.  Dat is ridiculous.  People starving all over de world, people living in de street, in box under bridge and all kinda ting and dem spenning money tuh climb ah frozen mountain and dem people have tuh come an look fuh dem.  Who sen dem!!  Steups.

[Queen Macoomeh]

Coco...when it cole I braksin to go outside to take de rubbish to de curb. Ah braksin to even go to pick up de papers dis dotish papers boy does pelt all in meh roof. And look deze people leaving a warm house to climb every mountain like some frigid Maria...*steupse*

I leaving dem dere and going to look fuh dem when it get warm.