Yuh know what real interesting about this;
Now ah eh have time right now to go and look for the discussion thread, perhaps later, but wasn't there an earlier discussion about this blacklist (about 1 month ago)?
And ah might have the facts wrong, but didn't de TTFF say dem aint know nutten bout no blacklist (ah tink is Scamps who say so)?
And Wim did say was between him and de TTFF? He sounded like it had a blacklist, but didn't want to say so.
Den how come all of a sudden it against FIFA rules to include players dat suing dey Federation?.....How come I never hear bout dis rule before? And hence the "blacklist"
Fuh de folks who done buy dey tickets (game and airfare/bus fare) ah hope all yuh walking wid a placard or 2, because dis is bull shit.
Weary, I wid you.....ah just get mih Warrior Nation T-shirt and ah eh get ah opportunity to wear it to any international games andi it seem like ah eh going to be putting it on no time soon.....
LET DE TTFF, JACKULA AND HE CROONIES HAUL DEY ARSE!!! And one last thing.....
DENNiS LAWRENCE ah real disappointed in yuh!!!!......yuh bend over and let dem give it to yuh good and proper.....
Ah wish de team well, but ah real sad.....dat some men cyar put aside dey greed for de good of we football....
As for calling a protest, ah realise dat we would only protest en masse if dey cancel Carnival one year, other than dat.....leave it so, we like it so
When all yuh serious, call me.....ah goh be home with no team to support.....
Stteeeeuuupppsssss!!!!!!