When last you??

[Organic]

When last you suck ah good starch or do do mango?
When last you wake up or fall alseep to rain falling ony u?h galvanize roof.
When last yuh eat ah good sada roti and tomato coker?
When last yuh see someone eye swell up cause they get a jep sting from pelting the nest?
When last yuh see ah woman walking around in she half a slip early in de morning?

 when last yuh.....

[Queen Macoomeh]

when lass yuh hear a rooster crow?
when last yuh hear de rubbish truck pass and yuh hearing de scraping of de tinninh on de grong?
When lass yuh race a matchstick in de canal?
when lass yuh see a canal (for we who living up here in Icebox Land)
when lass somebody soot yuh?

[WestCoast]

when lass yuh swim in de ocean in Mayaro?
when last yuh see de dry river swell up after a big rain? (I remember i was small and rain coming down and lightining striking and we in de dry river, up in Maraval by pick and pay, playing, talk about run out )
When lass yuh eat a pommerac?
when lass yuh went hiking to swim in a river by balandra.
When lass you "psssssst" ah gurl?

[Dr. Rat]

When last yuh drag-up ah gal tongue?
When last yuh stone ah pot-hound or pelt jep?
When last yuh walk down the road to go by the shop bare foot (yuh rubber slipper did buss)?
When last ah mad-man run yuh down?

finally, when last yuh cut ah man kite?

[Organic]

When last yuh get a bush bath?
when last yuh had coocnut oil rub in yuh head.
when last yuh bath in condies crystals for yuh bo bo foot
When Last yuh smell de sweet smell when de suga cane burning
When last yuh see de whole notheren range bathe in yellow and pink when poui blossom