I think Trini culture is ah subtle ting. Yuh have de obvious music (calypso, steelpan, food), but fuh me is not something ah could really express in words. It jus is. Is like knowing ah Trini from any other islander but little things like how we eat or mix drink and certainly by how we talk. How we interact with others and each other.
Is like tuday at lunch, ah was wid ah Jamaican co-worker and ah spot dis car ahead ah me wid ah license plate "TNT ENT". Right away, ah tell meh fren, DAT IS AH TRINI in dat car. She say how yuh know. Ah say....ENT. Is only Trinis does say dat. When we get close tuh de car, ah see de plate was one ah dem dat have T&T an de flag on it. Ah say tuh meh fren..."Yuh see?" She smile.
Sometimes, I could jes watch people in a crowd and know dem is Trini and we have so many different races. Ah cyar explain it.
anyway....daise meh 2 cents