Well not too ole but when:
- yuh use to put crix in yuh milo or tea.
- yuh use to have tuh wash yuh book bag when school about to start back and polish yuh white shoes (children dese days want everything brand new, every school term)
- yuh parents' type of disciplinary action is pelting yuh with anything close to dem (well dat was me fuh sure lol)
- yuh done eat sunday lunch and de rain start tuh fall on the galvanize roof and dat is real relaxation (I know ppl still do it but we aint have no galvanize roof in Canada)
- yuh use to real peong Mario Bros on yuh Nintendo and dat was real entertainment.
- yuh use to look rong twice maybe three times and den climb up de neighbour mango, zabuka, well any tree that have fruit in it and raid it, only tuh hear ah voice down below shouting "Who de ass in de tree" and yuh keep quiet quiet praying de doh see yuh LOL.
come bring back de days again nah....share yuh experiences
