Fuss boots was ah black boots with some blue stripes. Think it was called ah Cheetah.
Anyway, ah pardner living next door borrow mi boots after I only play in dem once. He went Trinity. When yuh hear I get back mi boots, dey ben-up ben-up and stretch-up stretch-up. I had to stuff toilet paper and ting in de toes for dem to fit.
Over de next few years, is about every pair ah boots I buy, dat man borrow and stretch up. Was mi real bredrin, so it was hard to say no. Sometimes, ah used to hide mi own boots and play ah couldn find dem when he come for ah borrow.