Is just weed, all yuh acting like de man had crack cocaine, heroine, and all dem other stinking facking drugs dat destroying people. It have people dat does chain smoke weed, as one done, dey does say 2 words and dey does light up ah next one. It have people dat does chain smoke weed, cuz dey system is so use tuh de weed, dat dey do get dat high any more. All my yard men breddrens, ah doh have tuh call names, all yuh know dem already, dey does chain smoke. Tuh be honest, weed is not a big deal in dis modern day and age, yuh doh want yuh kids tuh smoke it, cuz of course dat is de proper way tuh bring up yuh kids. But let us be honest nah, wid all dem dangerous drugs out dey, all yuh really does still sweat ah man dat smoking weed only. Is christmas holiday, he probably taking enough stocks, home fuh de holiday, cuz 42, steupsss, dem chain smokers will run through 42 like is ah plate red beans, rice and stew chicken. I doh want my son tuh smoke at all, but de lawd know if he have tuh smoke, ah hope he only smoke cigarettes only or cigarettes and weed only. In dis dangerous times we kids growing up in, believe it or not, if dey smoke cigarette and weed only be happy and thank de lawd, member meh told all yuh so. HIGHLY BLESSED.