Look ...yuh see me.. I done yes...cause is like ah fighting ah losing battle with all yuh...Men bawling is only de Guatemala game he look good in de gold cup. De man look good throughout de entire Gold cup....like nobody didn't remember how Wim rate up de man...steuppes. Even with de digicel cup with he and hardest in de middle, de man was having good games all den....But ah guess digicel is small tournament so all yuh overlook dat. And yes meh brodder who was in de guatemala game in foxborough...I was dere too, and de man really work like ah general in ah stadium full up ah guatemalans....And ah next man talk bout de USA game ash wednesday..........
Tink about dis....de mere fact dat men could talk bout certain games should tell us someting....De man have it in him....ah doh like when man talking talk bout de man cyah make no side and he shouldn't be on de team and all kinda chuipidness....Because we all see de man perform aready....Is not all de time Stern does play good for trinidad....It does have games when de man real shit dong de place....but guess what..he score some important goals and den we does forget de shit.....It have men naturally hate de man and does look to pin point all de man faults.......Nutting positive......De man play ah bad game de odder day, and is de world ah criticism.....even doh de man was on vacation, not training, and to boot could have been studying his financial status.....Imagine de hungarian news bigging up de man, de man winning man ah de match performance and ting for Upsjet but he is still ah shithong? and still cyah make no side?....Steeeeeeeuuuuuppppss. All yuh good we. It have nutting to do with emotions, I does jes recognize good football.......
And Truff yuh pull out ah resume on meh, but I too play in de boycott season in 96, and was part ah de big seven champions in 97 QRC......and make ah national under 17 aready playing with Bleedah....so ah know de man ability...is not no friend ting....Kiffy jes KNOW bout GOOD football