TG, some ah we doh manage dem ?big? teams, cause d way we does critique, no Trini (except Yorke an Latas, of course) would get ah bligh atall,atall..it doh have no player in d world who doh have bloopers, especially goalies..ah see from Shaka to barthez, to d Schmeichel do poops repeatedly and dem did dun reach....we own get ah lil someting, and most glad, yet some sayin but........what BUT...GLAD, end yuh story...leave d buts an critique for d drinks, ent
doh get meh wrong, it have players I find weak for representin T&T, yet ah real Glad for anyway they get ah foot in...cause dey makin ah opening for the ones ah do like, an might not have been seen..
Look ah not pickin on nobody eh, buh maybe ah away to long an ting, buh ah fine is everybody does have to get ah lil pull down from somebody, cause dey not like somebody else, not always by the same ppl mind you, but just generally...e.g. ah doh know d youth Power, and many man cry im down, "He wile, He clueless, he cyah pass, cyah trap", yet every Coach picking him, it gettin so ah does wonder, " dey doh like him, cause he good or wha", when all it might b is yuh prefer somebody else. ..dah doh make the fella bad !....
buh nuff ah meh rantin, ah l like readin many of you still
