JEEEEZAN AGES....WHAT A PILE (only because is Easter Sunday and ah in go tuh church yet ah in cussin)
Fuss tuh begin me an de breddahs and ah couple sisters get tuh de place and mind U is tree places in the same shopping area showing de game and all ah dem have long line tuh get een....ah pay meh twentays and gorn een.....reach een de place pack like 20 Guatemalan in ah bug comin across de border.....we finally get ah decent spot in de back....easy access to the emergency exit in de event Tnt pull it orf and we have tuh make ah quick exit...
game about tuh start....teams coming on the field....all ah we say, "wait nah is York wearing de captain ban' !!! hmmm.... we side have de most amount ah captain yes....game start...ball in we area...me eh know how we didden get ah penal again we in de earlies fuh dah wile man tackle Sancho pelt in de area....so de game continue... we do chupidness dem do chupidness.....dem attack....we attack.....dem take ah shot....Shaka go down tuh save it....buh wait nah...why dem flikkin Guatemalans making noise.....is GOALASSO in we arse.........steupes....an dat set de tone for the nite WEEE!...so eventually we score off ah prayey....Carlos take ah shot reflect off ah Guatemalan an gorn een de net....place in silence...couldah hear ah beer bokkle drop....but den again beer bokkles dropping whole nite cause is only carona dem man an few ladies suckin...so we score and couple ah we start tuh make noise....not knowing was de only noise we getting tuh make except for de frequent steupsin....steupes so much all de inside ah meh mout huttin....so we get some more goalassos...den we coach make ah sub....Tiger gorn off and bring een Sam dah made sence....but den the fyah sub...dat Einstein take off Jones and bring orn Nahkid....jeezan! de greatest tactical move ever made by a manager/coach/td what ever de job description does call him....now he probably was tinkin....."now is de time for de secret weapon tuh pull we out....an' people tink I eh know wha I doing"....well everyman jack dat supportin wonder buh wha dis man really doing...Pierre scoring, Spann on de bench travel quite from China....and den gorn an bring een Roger Milla.....ooops ah mean Nahkid....at least Milla use tuh score....by de way GOALASSO in we arse again...at dah point we say enuff ah dis we....some ah we exit at 4 goalassos tuh 1 goalasso....only tuh fine out from ah pardah laytah dat there was a fifth goalasso.....on de way out ah Guatemalan tell we in he own way.....Sorrrrrry. all ah could do was jes laff yes......is ah long long we in get ah hand....well it cyah get no worser dan dis nah.....onto Wednesday.........
GOALAAAAHSSOOOOOOOOOOO!!!!!!!!!!
