gorm....girl doh do dat nuh. now ah feel for ah multi colored snow cone wid condense milk
ah cyah wait to reach home...
as soon as ah come out ah customs bout 7:30 am, fuss ting is ah doubles wid extra pepper and ah bentley down meh throat.
den red mango, pepper mango, pepper plum, chinee plum, trambrand balls and lass but not least ah malta....lawd
when ah walk ein meh mudda house, hopefully she done make dey salt fish and fry bake for meh. ah send advance notice to make dat kitchen spin by dey time dey car pull up
.
since ah know to mehself ah go be knock out wid sleep on dat flight, meh eye open wide to go knock bout in town.
me and meh siblings done plan to hit every possible pot hole dat have beastly cole beers from town to st james.
ah jus liming strong....ah go sleep on dey flight back oui
one ah meh trini friends who coming down wid me and who haven't been to Trinidad in years done tell me she want to go sid down on independence square and jus gaze. i juss watch she and steupse hard. she going by she self
ah cyah wait nuh
