So I in New York, and ah decide tuh whet meh whistle in ah Scottish bar named
St. Andrews (W. 44th St. between Broadway and 6th Ave.). De bartenders wearing kilts and ting. I decide tuh ask dem wha team dem does support. One man say he does check fuh Celtic and Hibs. He ask meh who ah does support? Ah say I not into any particular Scottish team, but ah does follow whoever meh people playing for. He ask "who is dat?". Ah say ah from Trinidad & Tobago. As soon as ah say dat, ah next bartender walk up and say
"Now Russell Latapy, dat is ah fookin footballer." Ah say "ahmmm.... ah go take ah next scotch."
So as ah imbibing dat scotch ah notice ah drink name "Irn Brun", so ah say ah know dat drink. Before ah could finish meh sentence, de bartender say "At least one Scotland is going to de World Cup". Ah say well yes fadda, we relly reach. De man did know de commercials dat Jason Scotland did do for de Scottish sweetdrink.
Anyway, as Big Mag does say "Scotch and coconut water yes". LOL.