Author Topic: Yuh know you are a socawarriors.net junkie when..... (Read 30943 times)

andre samuel · « **Reply #60 on:** October 25, 2005, 07:57:57 PM »

yuh know yuh is ah socawarriors.net junkie when yuh feeling like ah senior man when yuh have plenty posts! lol

morvant · « **Reply #61 on:** October 25, 2005, 07:58:36 PM »

I AM NOT SENIOR I DOES JUST TALK RELL SHYT

Solo · « **Reply #62 on:** October 25, 2005, 07:59:03 PM »

.... yuh use yuh phone to go online and check de socawarriors website while at de stadium during a pro-league match

.... yuh cyan wait to get home and get on de site tuh see who gettin cuss

.... yuh predict a match result on de site and den go and watch de match and cyan wait to come back on and boast

.... yuh cyan wait tuh come on and see how many men piss pun somebody like stink-pana or dem new boys from 'bam bam'

.... yuh run on tuh get all yuh news on Judas and he 'dirty thirty pieces of U20 silva'

.... yuh tinking about starting a thread named 'Yuh Know you are a waggonist when...?' and yuh come online and vops ah man start dis thread about knowing when u are a SW Junkie suh yuh doan feel it make sense to start u're thread rite rite now

morvant · « **Reply #63 on:** October 25, 2005, 08:03:14 PM »

when you thread reach ah page two yuh does feel important

kicker · « **Reply #64 on:** October 25, 2005, 08:23:13 PM »

........when it always at the back of yuh mind to ask Andre Samuel " boy whuz your scene wid da Machel Montano avatar ?"

fari · « **Reply #65 on:** October 25, 2005, 08:28:22 PM »

Quote from: kicker on October 25, 2005, 08:23:13 PM

........when it always at the back of yuh mind to ask Andre Samuel " boy whuz your scene wid da Machel Montano avatar ?"

i was thinkin de same thing u know. but he is meh senior on here so i have to show deference. besides, maybe machel save his life in a fete or something

arrow · « **Reply #66 on:** October 25, 2005, 08:34:30 PM »

Quote from: kicker on October 25, 2005, 08:23:13 PM

........when it always at the back of yuh mind to ask Andre Samuel " boy whuz your scene wid da Machel Montano avatar ?"

I remember the first time somebody post a picture of the home based crew liming in de stadium and post everybody name, I say wait nuh dat is what Andre look like? I so accustom to seeing he avatar I figured he would have resembled Machel

trinbago · « **Reply #67 on:** October 25, 2005, 08:42:00 PM »

when yuh know the difference between Tallest and Tallman !!

oconnorg · « **Reply #68 on:** October 25, 2005, 09:13:23 PM »

Wait nuh.. mih thread reach page 3.. ah feel importan!

SHOTTA · « **Reply #69 on:** October 25, 2005, 09:31:38 PM »

when u posting on this thread cuz real people post on it after you an u like ur name to be last

when u hav to ketch up to morvantman cuz he cum an meet u in 400 an pass u like nuttin

Disgruntled_Trini · « **Reply #70 on:** October 25, 2005, 09:44:37 PM »

Quote from: kicker on October 25, 2005, 08:23:13 PM

........when it always at the back of yuh mind to ask Andre Samuel " boy whuz your scene wid da Machel Montano avatar ?"

I meh self want to know
he cyah like Machel that much.............................. but then again
pwwwwwwwwww paaaaaannnnnnnNAAAAPPP
pwaaaaa pah nah nap
KING KONG CREW

TrinInfinite · « **Reply #71 on:** October 25, 2005, 09:52:19 PM »

yuh know yuh is a junkie when yuh anxiously waiting 4 a post by sam, tuh see who he shittin up on de board

fishs · « **Reply #72 on:** October 26, 2005, 02:09:12 AM »

Yuh know yuh sis ah junkie, becus is de only place yuh rite ah set ah shit how yuh does talk ,an men does understan, an rite back shite.

Yuh cyar wait fuh de office tuh open tuh do dat.

teddy bear · « **Reply #73 on:** October 26, 2005, 02:14:43 AM »

............ when is 3 o'clock in de mornin and de wife turn and say " yuh still on dat shit" an all yuh could say is "ah comin off between now an jus now"

Cowen · « **Reply #74 on:** October 26, 2005, 03:05:09 AM »

Quote from: kicker on October 25, 2005, 08:23:13 PM

........when it always at the back of yuh mind to ask Andre Samuel " boy whuz your scene wid da Machel Montano avatar ?"

The man lke Machel. Nothing wrong with dat. Machel probably like him too. Madda that dat.

Yuh know u is a Socawarrior.net junky ....when at 5:00 am yuh want to know what new post up .... when u supposed to be on the road for work

andre samuel · « **Reply #75 on:** October 26, 2005, 04:07:57 AM »

yuh know yuh is ah socawarriors.net junkie when...men cracking up on yuh macheal montano avatar and yuh want to change it but yuh cant since dey go shit yuh up more!!

ah love it!!

MAD MAD MAD MAD!!

KING KONG KREW!!!

oconnorg · « **Reply #76 on:** October 26, 2005, 05:43:44 AM »

When you checked for new posts before you left home, and when yuh reach in work, you checking again before you even check work related mail.!!

fishs · « **Reply #77 on:** October 26, 2005, 05:53:07 AM »

Yuh spend de whole day tinking up someting jokey tuh put on dis thread an damn vex because yuh eh come up wid nothing !

kicker · « **Reply #78 on:** October 26, 2005, 07:10:48 AM »

Quote from: andre samuel on October 26, 2005, 04:07:57 AM

yuh know yuh is ah socawarriors.net junkie when...men cracking up on yuh macheal montano avatar and yuh want to change it but yuh cant since dey go shit yuh up more!!

ah love it!!

MAD MAD MAD MAD!!

KING KONG KREW!!!

Nah horse yuh cyah change that avatar....that is you and we too accustomed to it now......if you change that, yuh might as well change yuh whole profile.

as yuh say......."ah love it"

AB.Trini · « **Reply #79 on:** October 26, 2005, 07:24:48 AM »

Ah go try meh top ten list:

1.    your responses areÂ in essay format
2.   you stare at the screen for hours waiting for responses
3.   yuh come home and go straight to the site; before bed yuh check the site;yuh wake up
yuh check the site.
4.   yuh get endless pecong but yuh come back fuh more
5.   yuh devote yuh time to help the cause of the Warriors
6.   yuh stop yuh foreplay tuh come play fuh the warriors
7.   yuh cyar wait tuh respond to all the postings
8.   this becomes the official site for the latest football news
9.   this is the soleÂ place fuh yuh tuh shit talk
10.    yuh cyar resist the urge tuh not respond to ole talk

P.S yuh kick yuh son off so yuh could go on site.

Ponnoxx · « **Reply #80 on:** October 26, 2005, 07:55:56 AM »

yuh online whole day to see who critisize yuh comment and put them in they dam place..

Socaman · « **Reply #81 on:** October 26, 2005, 08:07:09 AM »

when yuh cyah sleep 2 oclock in the morning and yuh lying down in yuh bed thinking about if Jamaica, Panama and Nakhid really SELL WE OUT!!!!

FF · « **Reply #82 on:** October 26, 2005, 08:09:34 AM »

Quote from: AlbertaTrini on October 26, 2005, 07:24:48 AM

6. yuh stop yuh foreplay tuh come play fuh the warriors

When yuh read number 6 and yuh first thinking wha madness

then yuh start to crack up cuz yuh know yuh do it arready

FF · « **Reply #83 on:** October 26, 2005, 08:11:04 AM »

When yuh chaining up de whole entire board with fake news reports....

take ah beer pioneertrini

Marcos · « **Reply #84 on:** October 26, 2005, 08:11:45 AM »

Quote from: kicker on October 25, 2005, 08:23:13 PM

........when it always at the back of yuh mind to ask Andre Samuel " boy whuz your scene wid da Machel Montano avatar ?"

for real
i wonderin about dat long time

FF · « **Reply #85 on:** October 26, 2005, 08:12:03 AM »

When yuh getting chain up by fake news reports and ready to post back serious serious

Take ah beer everybody else Â

SHOTTA · « **Reply #86 on:** October 26, 2005, 11:32:32 AM »

when d board kinda dead and u posting in this thread even though it get kinda dead too $:-\$

oconnorg · « **Reply #87 on:** October 27, 2005, 03:22:49 PM »

When Yuh try to Revive ah Dead post!

SHOTTA · « **Reply #88 on:** October 27, 2005, 03:27:51 PM »

when u helpin a man revive a dead post

oconnorg · « **Reply #89 on:** October 27, 2005, 03:31:49 PM »

When yuh know who yuh REAL Forum Padnah Iz!!

Author Topic: Yuh know you are a socawarriors.net junkie when..... (Read 30943 times)

TrinInfinite